Foto: elements.envato.com
Eńbek jáne halyqty áleýmettik qorǵaý vitse-ministri Aqmadi Sarbasov jastarǵa arnalǵan 2,5 paiyzdyq kredit kelesi aida berile bastaitynyn aitty, dep habarlaidy Sputnik Qazaqstan.
Búginde ministrlik kredit berý erejelerin ázirlegen. Ádilet ministrliginen tirkeýden ótken.
"Bizdiń tarapymyzdan barlyq sheshim qabyldandy. Qazirgi kezde jergilikti atqarýshy organdarmen osy mehanizm boiynsha jumys istep jatyrmyz. Osy aida jergilikti atqarýshy organdar men qarjy ministrligi kredit kelisimine qol qoisa, kelesi aida bastaimyz", - dedi Sarbasov Senatta ótken brifingte.
Aita keteri, osy bastamany iske asyrýǵa biýdjetten 28 milliard teńge bólindi. Mikrokredit kásipkerlik qyzmetti bastaǵysy keletin nemese kásipkerlikpen ainalysatyn 21 jastan 35 jasqa deiingi azamattarǵa konkýrstyq negizde beriledi.
Jeńildetilgen kredittiń sharttary:
- nominaldy syiaqy mólsherlemesi – jyldyq 2,5%;
- qaryzdyń eń joǵary somasy – 5 million teńge (ol úshin kepildik qoiý kerek);
- merzimi – 5 jyl, al mal sharýashylyǵy salasy bolsa, 7 jyl.
Sondai-aq negizgi bereshek pen syiaqyny óteý boiynsha jeńildik kezeńi qarastyrylǵan. Ol kredit berilgen merzimniń úshten birinen aspaýy shart. Al múmkindigi shekteýli azamattarǵa kredit óteýsiz beriledi.
