IIM Tergeý departamentiniń basshysy Sanjar Ádilov qarjy piramidasyn qurýmen bailanysty qylmystar jaiynda aityp berdi, dep habarlaidy QazAqparat.
«Jyl basynan beri Ishki ister ministrliginiń qurylymdary 250 qylmystyq isti tergeýmen ainalysty, onyń ishinde 120-sy sotqa joldandy. Jalpy, qarjy piramidasy boiynsha 98 adam qylmystyq iske tartylýda, 63-i qamaýǵa alynǵan», - dedi S. Ádilov ministrlik uiymdastyrǵan onlain brifingide.
Onyń aitýynsha, qarjy piramidalary jónindegi qylmystyq ister boiynsha zardap shekken jalpy 25 313 adam anyqtaldy. Keltirilgen shyǵyn kólemi 33 mlrd 254 mln teńgeden asty.
«Alaiaqtar áreketinen kóbine elimizdiń batys jáne ońtústik óńirleriniń turǵyndary zardap shekti. Bul aimaqtarda iri qarjy piramidalary belsendi qyzmet etken. Osy oraida «Garant 24d», «Estate Lombard», «Vygodnyi zaim», «Indigo-24 Evolution», «Gold Company LTD», «HomeAutoInvest» jáne basqalary boldy», - dedi departament basshysy.
Onyń atap ótýinshe, eń qomaqty shyǵyn Aqtóbe, Túrkistan, Batys Qazaqstan, Atyraý, Pavlodar, Qyzylorda, Mańǵystaý oblystary men Shymkent, Nur-Sultan qalalarynyń turǵyndaryna keltirilgen.
