© Photo : press-slýjba Mejdýnarodnogo aeroporta Astany
Astanada terrorizm aktisi týraly jalǵan habarlama bergen shetel azamatyna 2,5 mln teńge kóleminde aiyppul salyndy, dep habarlaidy «Ult aqparat» Polisia.kz portalyna silteme jasap.
Bul oqiǵa byltyr kúzde bolǵan. Al sottyń sheshimi biyl qańtar aiynyń sońynda shyǵaryldy. 36 jastaǵy sheteldik azamat "Astana – Sankt-Peterbýrg" baǵytyndaǵy áýe reisinde terrorizm aktisi týraly kórineý jalǵan habarlaǵany úshin ustalǵan bolatyn. Tergeý kezinde óz kinásin tolyǵymen moiyndady. Osy áreketke ne úshin barǵanyn da aitty. Otbasylyq janjaldan keiin jubaiy Sankt-Peterbýrgke ushyp ketpekshi bolǵan. Sol kezde ol súiiktisin toqtatamyn dep, politsiiaǵa jalǵan aqparat túsirgen.
Astana qalasynyń qylmystyq ister jónindegi aýdanaralyq sotynyń sheshimimen oǵan 750 AEK, iaǵni, 2 mln 587700 teńge mólsherinde aiyppul salyndy.
Politseilerdiń aitýynsha, mundai qylmystar, kóbinese, mas kúiinde jasalady. Biraq adamdar áli kúnge deiin ondai áreket úshin jaýapkershiliktiń aýyr ekenin bile bermeidi.
Zań boiynsha terrorizm aktisi týraly kórineý jalǵan habar bergeni úshin 5 000 ailyq eseptik kórsetkishke deiingi mólsherde aiyppul ne sol mólsherde túzeý jumystary nemese bes jylǵa deiingi merzimge bas bostandyǵyn shekteý, ia bolmasa, sol merzimge bas bostandyǵynan jazasy qarastyrylǵan. Sonymen qatar, jalǵan terrorister sot sheshimi boiynsha oqiǵa ornyna jumyldyrylǵan jedel áreket etý qyzmetteriniń barlyq shyǵyndaryn tolyq kólemde óteidi.
