© Photo : پرەسس-سلۋجبا مەجدۋنارودنوگو اەروپورتا استانى
استانادا تەرروريزم اكتٸسٸ تۋرالى جالعان حابارلاما بەرگەن شەتەل ازاماتىنا 2,5 ملن تەڭگە كٶلەمٸندە ايىپپۇل سالىندى, دەپ حابارلايدى «ۇلت اقپارات» Polisia.kz پورتالىنا سٸلتەمە جاساپ.
بۇل وقيعا بىلتىر كٷزدە بولعان. ال سوتتىڭ شەشٸمٸ بيىل قاڭتار ايىنىڭ سوڭىندا شىعارىلدى. 36 جاستاعى شەتەلدٸك ازامات "استانا – سانكت-پەتەربۋرگ" باعىتىنداعى ەۋە رەيسٸندە تەرروريزم اكتٸسٸ تۋرالى كٶرٸنەۋ جالعان حابارلاعانى ٷشٸن ۇستالعان بولاتىن. تەرگەۋ كەزٸندە ٶز كٸنەسٸن تولىعىمەن مويىندادى. وسى ەرەكەتكە نە ٷشٸن بارعانىن دا ايتتى. وتباسىلىق جانجالدان كەيٸن جۇبايى سانكت-پەتەربۋرگكە ۇشىپ كەتپەكشٸ بولعان. سول كەزدە ول سٷيٸكتٸسٸن توقتاتامىن دەپ, پوليتسيياعا جالعان اقپارات تٷسٸرگەن.
استانا قالاسىنىڭ قىلمىستىق ٸستەر جٶنٸندەگٸ اۋدانارالىق سوتىنىڭ شەشٸمٸمەن وعان 750 اەك, ياعني, 2 ملن 587700 تەڭگە مٶلشەرٸندە ايىپپۇل سالىندى.
پوليتسەيلەردٸڭ ايتۋىنشا, مۇنداي قىلمىستار, كٶبٸنەسە, ماس كٷيٸندە جاسالادى. بٸراق ادامدار ەلٸ كٷنگە دەيٸن ونداي ەرەكەت ٷشٸن جاۋاپكەرشٸلٸكتٸڭ اۋىر ەكەنٸن بٸلە بەرمەيدٸ.
زاڭ بويىنشا تەرروريزم اكتٸسٸ تۋرالى كٶرٸنەۋ جالعان حابار بەرگەنٸ ٷشٸن 5 000 ايلىق ەسەپتٸك كٶرسەتكٸشكە دەيٸنگٸ مٶلشەردە ايىپپۇل نە سول مٶلشەردە تٷزەۋ جۇمىستارى نەمەسە بەس جىلعا دەيٸنگٸ مەرزٸمگە باس بوستاندىعىن شەكتەۋ, يا بولماسا, سول مەرزٸمگە باس بوستاندىعىنان جازاسى قاراستىرىلعان. سونىمەن قاتار, جالعان تەرروريستەر سوت شەشٸمٸ بويىنشا وقيعا ورنىنا جۇمىلدىرىلعان جەدەل ەرەكەت ەتۋ قىزمەتتەرٸنٸڭ بارلىق شىعىندارىن تولىق كٶلەمدە ٶتەيدٸ.
