Almatyda mektep bitirýshi túlekter uiymdastyrǵan avtokortej politsiianyń aralasýymen toqtatyldy. Qala kóshelerinde jol qozǵalysy erejelerin óreskel buzǵan jastardyń áreketi saldarynan 21 ata-ana jaýapqa tartyldy, dep habarlaidy ult.kz.
Almatyda mektep bitirýshi túlekter uiymdastyrǵan avtokortej politsiianyń aralasýymen toqtatyldy. Qala kóshelerinde jol qozǵalysy erejelerin óreskel buzǵan jastardyń áreketi saldarynan 21 ata-ana jaýapqa tartyldy.
Qalalyq politsiia departamentiniń málimetinshe, sońǵy qońyraýǵa arnalǵan merekelik is-shara qarsańynda bir top túlek kólikpen sherý uiymdastyrǵan. Buǵan deiin quqyq qorǵaý organdary mundai avtokortejderge tyiym salynatynyn eskertken.
"Eskertýge qaramastan, túlekter jol qozǵalysy qaýipsizdigine qaýip tóndirip, qala kóshelerinde avtokortej uiymdastyrdy. Nátijesinde 21 kámeletke tolmaǵan jasóspirimniń ata-anasy bala tárbiesine qatysty mindetterin tiisinshe oryndamaǵany úshin ákimshilik jaýapkershilikke tartyldy", – dep habarlady politsiia departamenti.
Sonymen qatar kólik quraldaryn paidalaný talaptaryn buzý derekteri boiynsha 5 ákimshilik hattama toltyryldy. Tártip buzýǵa qatysy bar avtokólikter mamandandyrylǵan aiyp turaǵyna jetkizildi.
Eske salaiyq, buǵan deiin Almaty politsiiasy mektep túlekterine jol erejesin saqtap, qoǵamdyq tártipti buzbaýǵa shaqyrǵan bolatyn.
