Búgin Qazaqstannyń barlyq mektebinde sońǵy qońyraý soǵylyp, 2025-2026 oqý jyly resmi túrde aiaqtaldy, dep habarlaidy ult.kz.
Biyl el boiynsha 3,9 millionnan astam oqýshy oqý jylyn támamdasa, 215 myńnan astam túlek mekteppen qoshtasty. Saltanatty sharalar respýblika kóleminde uiymdastyrylyp, túlekter dástúrli mektep valsin biledi. Osyndai keshterdiń biri №95 mektep-litsei qabyrǵasynda ótti.
Merekelik is-sharalar aiasynda elimizdiń barlyq bilim ordalarynda «Bilim — Otanyma!» taqyrybynda biryńǵai synyp saǵaty uiymdastyryldy.
Qazaqstan Respýblikasynyń Oqý-aǵartý ministrligi málimetinshe, biyl 9-synypty aiaqtaǵan 31 myńnan astam oqýshy úzdik attestatqa úmitker. Al 11-synyp boiynsha 18 myńǵa jýyq túlek úzdik attestatty qorǵaýǵa daiyndalyp jatyr.
Ministrlik mektep bitirý keshterin ótkizýge qatysty talaptardy da eske saldy. Atap aitqanda, meiramhanalarda, dámhanalarda, banket zaldarynda, mádeniet úilerinde jáne ashyq alańdarda saltanatty shara ótkizýge tyiym salynǵan.
