Keshe, 25 qarashada Qazaqstanda koronavirýs juqqany arnaiy testpen rastalǵan 820 adam anyqtaldy. Bir kúnde 474 adam jazyldy.
Densaýlyq saqtaý ministrliginiń aqparaty boiynsha, sársenbi kúni eń kóp naýqas Shyǵys Qazaqstan oblysynda (164) tirkelgen. Soltústik Qazaqstan oblysynda - 114, Pavlodar oblysynda - 110, Nur-Sultanda - 77, Almaty qalasynda - 77, Aqmola oblysynda - 75, Qostanai oblysynda - 63 adamnan, Batys Qazaqstan oblysynda - 37, Almaty oblysynda - 30, Qaraǵandy oblysynda - 19, Atyraý oblysynda - 14, Jambyl oblysynda - 14, Shymkent qalasynda - 11, Aqtóbe oblysynda - 7, Qyzylorda oblysynda - 3, Mańǵystaý oblysynda - 3, Túrkistan oblysynda 2 adamnan koronavirýs infektsiiasy anyqtalǵan.
Naýryz aiynan beri koronavirýs juqqany testpen dáleldengender 128 400 adamǵa jetti: 114 myńnan astamy jazylǵan, 2001-i qaitys bolǵan.
Qazaqstannyń koronavirýs statistikasyna koronavirýs pnevmoniiasyna shaldyqqandar esebi engizilmegen. 1 tamyzdan beri 41 427 adamǵa koronavirýs pnevmoniiasy diagnozy qoiylǵan, 432 adam qaitys bolǵan, 30 myńnan astamy jazylǵan.
Densaýlyq saqtaý ministrliginiń málimetine sensek, qazirgi ýaqytta koronavirýs infektsiiasynan 11 571 adam em qabyldaýdy jalǵastyrýda. Onyń arasynda 710 bala bar.
Statsionarlarda 3 198 naýqas jatyr. 8 373 adam ambýlatoriialyq jaǵdaida emdelýde.
Jalpy naýqastardyń arasynda 210 adamnyń ahýaly nashar. Sonyń ishinde 32 naýqastyń ahýaly asa qatty aýyr dep baǵalanyp otyr. 30 naýqas ókpeni jasandy jeldetý apparatynda jatyr.
