«Qaisar» basshylyǵy komandanyń 25 oiynshysy koronavirýs juqtyrdy degen aqparatqa qatysty jaýap berdi, dep habarlaidy "Ult aqparat".
«1 shildede fýtboldan el birinshiligi jalǵasady. Sondyqtan talapqa sáikes «Qaisar» fýtbol klýby ótken sársenbide test tapsyrǵan bolatyn. Test nátijesimen keibir fýtbolshylardan oń nátije anyqtaldy. Búgin komanda ekinshi márte qaita synamadan ótti. Test nátijesi barlyǵynda da teris nátijeni kórsetti. Fýtbolshylardyń densaýlyǵy qalypty jaǵdaida. Oiynshylar aldaǵy kezdesýge daiyndyǵyn júrgizýde», - dep málim etti «Qaisar» basshylyǵy.
Budan buryn «Qaisar» fýtbol klýbynyń bas jattyqtyrýshysy Stoicho Mladenov komandanyń 25 oiynshysy koronavirýske shaldyqqanyn aitqan bolatyn.
Esterińizge sala ketelik, 1 shildede el birinshiligi jalǵasady. Bul týrda «Qaisar» óz alańynda «Taraz» komandasyn qabyldaidy. Sondai-aq, atalǵan týrda «Tobyl» men «Kaspii», «Qyzyljar» men «Oqjetpes», «Qairat» pen «Jetisý», «Ordabasy» men «Shahter» komandalary kezdesedi.
