Densaýlyq saqtaý ministrligi Ulttyq saraptama ortalyǵynyń tótenshe jaǵdai kezindegi jumysy jaily videorolik jariialady. Laboratoriia mamandary qazir táýlik boiy jumys isteýdi, dep habarlaidy "Ult aqparat".
«Ortalyqtyń dárigerleri tumaý jáne tumaýǵa uqsas aýrýlarǵa zertteý júrgizip jatyr. Dál osy jerde koronavirýs infektsiiasynyń RNQ-syn anyqtaý jumystary atqarylady. Jalpy koronavirýs – RNQ-sy (ribonýklein qyshqyly) bar virýs, ol tumaý infektsiiasyna jatpaidy. Biz muryn jáne aýyz qýysynan juǵyndy alyp, tekseremiz. Sebebi ol virýs joǵary tynys alý joldary arqyly aǵzaǵa enedi», - deidi Ulttyq saraptama ortalyǵy virýsologiia laboratoriiasynyń meńgerýshisi Ainash Maqysheva.
Búginde zerthana koronavirýs boiynsha epidemiologiialyq ahýalǵa bailanysty táýlik boiy jumys istep jatyr.
«Laboratoriiaǵa analiz túsken bette 6-7 saǵattyń ishinde qorytyndysy daiyn bolady», - deidi ol.
