Qazaqstanda 240 mln teńgeden astam qarjy jumsalǵan Steppe Rider kompiýterlik oiynyna qatysty tekserý júrip jatyr. Bul týraly Ǵylym jáne joǵary bilim ministri Saiasat Nurbek Úkimettegi brifingte málimdedi, dep habarlaidy ult.kz NUR.KZ basylymyna silteme jasap.
Ministrdiń aitýynsha, atalǵan jobaǵa qatysty QR UQK Sybailas jemqorlyqqa qarsy is-qimyl qyzmetine jáne Astana qalasy boiynsha Ekonomikalyq tergeý departamentine tekserý júrgizý týraly suraý joldanǵan.
«Ózimiz bastama kóterdik. Qazir tergeý sharalary júrgizilip jatyr. Keiin sheshimder jariialanatyn shyǵar. Ol sot tártibimen nemese ákimshilik quqyq buzýshylyq aiasynda qaralýy múmkin. Bul – tekserý júrgizip jatqan organdardyń quzyryndaǵy másele», – dedi Saiasat Nurbek.
Ministr tekserý jumystary qazirgi ýaqytta da jalǵasyp jatqanyn atap ótti.
Aita keteiik, buǵan deiin Steppe Rider oiynyna 240 mln teńgeden astam qarjy jumsalǵany qoǵamda talqylanǵan edi. Tekserý nátijesi boiynsha jobaǵa qatysty qandai sheshim qabyldanatyny ázirge belgisiz.
