24 shildeden bastap Aqmola oblysyndaǵy jaǵajailar men kól mańyndaǵy demalys oryndary jabylady, habarlaidy "Ult aqparat".
Bul týraly Aqmola oblysynyń týrizm basqarmasy Instagram paraqshasynda málimet taratty.
«Aqmola oblysy týristik biznes ókilderine eskertemiz. Karantin sharalarynyń kúsheiýine jáne týristik oryndarda demalýshylardyń jaýapkershiliginiń tómendigine bailanysty 24 shilde saǵat 00:00-den bastap 3 tamyzǵa deiin Aqmola oblysynyń týristik aimaqtary jabylady» delingen basqarmanyń málimetinde.
Týristik aimaqtyń ainalasyna túgel blokpostar qoiylyp, kólik kirýine tyiym salynady. 24 shildege deiin qonaq úige kelip, jaiǵasyp úlgergen adamdar demalys bazasynyń ishinde qala beredi. Kýrorttaǵy adamdar maska taǵyp, áleýmettik araqashyqtyqty saqtaýy tiis. Otelerler osy ýaqyt aralyǵynda bron qabyldamaidy.
«Memlekettik tapsyrys boiynsha jumys isteitin sanatoriiler men kýrort nysandary sanitarlyq-dezinfektsiialyq rejimdi kúsheitip, jumysyn jalǵastyra beredi. Jaǵajaidy, saýna men basseindi jalǵa berý qyzmeti toqtatylady. Jaǵalaýda ornalasqan qaiyq stansalary, saýda jáne oiyn-saýyq núkteleri jabylady. Sondyqtan jaǵdaiǵa túsinistikpen qarap, osy ýaqyt aralyǵynda demalys oryndaryna barýdan bas tartýyńyzdy suraimyz» dep eskertedi mekemeden.
