Qalalyq jaǵajaida demalý kezinde Qostanai turǵyny ekinshi qostanailyq azamatty uryp óltirgen. Bul faktini Qostanai oblysynyń politsiia departamentiniń baspasóz qyzmeti rastady, dep habarlaidy "Ult aqparat".
«Aldyn ala tergeý barysynda bul kúni úsh er adamnyń qalalyq jaǵajai aimaǵyna demalyp shomylýǵa ketkeni anyqtaldy. Osydan keiin olardyń bireýi men olarǵa jaqyndaǵan jábirlenýshi arasynda janjal týyndap, saldarynan 23 jastaǵy jigit sońǵysyna qolymen birneshe soqqy jasaǵan. Beitanys adam dene jaraqatynan qaitys bolady», - dep habarlady politsiia.
Qazirgi ýaqytta sotqa deiingi tergeý jalǵasyp jatyr.
Qylmystyq is sheńberinde sot saraptamalaryn júrgizý jáne kináli adamdy qylmystyq jaýapkershilikke tartý maqsatynda jedel tergeý sharalar keshenin júrgizý josparlanǵan.
Kúdikti Qostanai qalasy PB ýaqytsha ustaý izoliatoryna qamaldy.
Oblys ortalyǵynyń 27 jastaǵy turǵynynyń qaitys bolý faktisi boiynsha Qostanai Politsiia basqarmasy Qylmystyq kodekstiń 106-babynyń 3-tarmaǵy negizinde (abaisyzda jábirlenýshiniń ólimine ákep soqqan is-áreket) sotqa deiingi tergeýdi júrgizýde.
