Almatyda 23 myń 472 adam «Almaty Birgemiz» qorynan 50 myń teńge kóleminde kómek alady. Bul týraly Nur Otan partiiasynyń Almaty bólimshesi tóraǵasynyń orynbasary Stanislav Kankýrov aitty, dep habarlaidy "Ult aqparat".
Koronavirýstyń pandemiiasyna bailanysty Elbasy, Nur Otan partiiasynyń Tóraǵasy Nursultan Nazarbaevtyń bastamasymen halyqtyń áleýmettik turǵydan osal toptaryn qoldaý boiynsha birqatar keshendi sharalar uiymdastyrylǵan bolatyn.
«Asa qajettilikti talap etetin azamattarǵa ataýly kómek kórsetý maqsatynda «Birgemiz» respýblikalyq korynan qarjylandyrylatyn «Almaty Birgemiz» qory quryldy. «Almaty Birgemiz» qory asa muqtaj azamattarǵa, atap aitsaq az qamtylǵan kóp balaly otbasylarǵa (ataýly áleýmettik kómek alatyndar), birinshi top múgedekterine, erekshe qajettiligi bar balalardy tárbielep otyrǵan otbasylarǵa, eń tómengi nemese bazalyq zeinetaqy alatyndarǵa (38 686 jáne 16 839 tengeden tómen), tul jetimderge 50 myń teńgeden qarjy bólip otyr. Almatyda mundai sanatqa jatatyn 23 myń 472 adam turady. Bul tizim QR Eńbek jáne halyqty áleýmettik qorǵaý ministrliginiń derekterine sáikes jasaldy», - dedi Stanislav Kankýrov.
Onyń aitýynsha, eger kómek alýshy atalǵan sanatqa kiretin bolsa, onda ol adamǵa kómek avtomatty túrde kórsetiledi. Eshqaida barýdyń qajeti joq. Aqsha járdemaqy nemese zeinetaqy túsip júrgen kartochkaǵa «Almaty Birgemiz» qory men Nur Otan partiiasynyń atynan sms-habarlandyrýmen birge túsedi.
Búgin 21 myńnan astam adamǵa qarjylai kómek kórsetilgen. Qalǵan azamattarǵa aqshalai kómek 5 kún ishinde túsedi. Aitylǵan aqsha aiyppul, nesie jáne basqa da tólemder esebine ustalmaidy.
Sondai-aq, «Birgemiz» qory tarapynan Almaty qalasyna 2 mln meditsinalyq maska jiberiledi. Ol maska 40 myń muqtaj adamǵa taratylady.
Almaty qalasy ákimdiginiń qoldaýymen ashylǵan «Jańa Alataý» qorynyń shotyna QR Tuńǵysh Prezidenti-Elbasy Qory, sondai-aq Nur Otan partiiasynyń depýtattary, kásipkerler, kásiporyndar, partiia músheleri jáne qarapaiym azamattar qarajat aýdardy. Olar negizinen az qamtylǵan azamattar úshin azyq-túlik sebetin satyp alýǵa jáne basqa da qajettilikterge baǵyttalǵan.
«Búginde «#BizBirgemiz» aktsiiasy aiasynda Nur Otan partiiasy 4,5 myńnan astam otbasyn azyq-túlikpen qamtamasyz etti», - dedi Stanislav Kankýrov.
