Shildede shekteý sharalaryn engizýge bailanysty tabysynan aiyrylǵan 2 mln 376,8 myń azamatqa bir rettik kómek berildi, dep habarlaidy "Ult aqparat" MÁSQ baspasóz qyzmetinen.
«24 tamyz saǵat 09.00-degi jaǵdai boiynsha biylǵy shildede shekteý sharalaryn engizýge bailanysty tabysynan aiyrylǵan jaǵdaida Memlekettik áleýmettik saqtandyrý qorynan (MÁSQ) birjolǵy tólem taǵaiyndaýǵa azamattardan 2 mln 589 myńnan astam biregei ótinish qabyldandy, tólem mólsheri eń tómengi jalaqyǵa – 42 500 teńgege teń. Tólemdi 2 mln 376,8 myń qazaqstandyq aldy, onyń ishinde 2 mln 368,2 myń adam tamyz aiynda karantinniń uzartylýyna bailanysty 0,5 ETJ – 21 250 myń teńge mólsherinde qosymsha aqy aldy. Osy baǵyttaǵy jumys jalǵasýda» delingen habarlamada.
MÁSQ-tan tólem alýǵa ótinimder birneshe arnalar arqyly qabyldanady. 2 mln 589 myńnan astam ótinimniń ishinde:
– 834,5 myń adam proaktivti formatta tólem taǵaiyndaýǵa kelisim bergen;
– 679,5 myń adam Egov.kz portaly jáne telegram-bottar arqyly;
– 410,3 myń adam 42500.enbek.kz portaly arqyly;
– 664,5 myń adam ekinshi deńgeidegi bankterdiń mobildik qosymshalary men internet-resýrstary arqyly;
– 0,4 myń adam shtabtar arqyly ótinish bergen.
Azamattardyń sanattary bólinisinde:
– 834,5 myń ótinish biryńǵai jiyntyq tólem tóleýshilerden kelgen (proaktivti formatta);
– 263,6 myń ótinishti jaldamaly qyzmetkerleri úshin jumys berýshiler bergen;
– 1 mln 491,1 myń ótinish azamattardyń basqa sanattarynan kelip tústi (jeke kásipkerler, jeke praktikamen ainalysatyn adamdar, azamattyq-quqyqtyq sipattaǵy sharttar boiynsha tabys alatyn jeke tulǵalar).
Tólem 2 mln 382,8 myń adamǵa taǵaiyndaldy. Aqshalai qarajat 2 mln 376,8 myń qazaqstandyqqa aýdaryldy.
Buǵan deiin habarlanǵandai, Qazaqstan aýmaǵynda karantinniń 2 aptaǵa sozylýyna bailanysty MÁSQ-tan birjolǵy tólem alýshylarǵa 0,5 ETJ – 21 250 teńge mólsherinde qosymsha aqy tólenedi.
2020 jyldyń shildesinde MÁSQ-tan birjolǵy tólem alǵan qazaqstandyqtarǵa karantinniń uzartylýyna bailanysty qosymsha aqy avtomatty túrde taǵaiyndalady. Qaita ótinish berýdiń qajeti joq.
Karantin uzartylǵannan keiin birjolǵy tólem taǵaiyndaýǵa alǵash ret ótinish bergen azamattarǵa tólem 1,5 ETJ nemese 63 750 teńge (42 500 + 21 250 teńge) mólsherinde taǵaiyndalady.
Ótinish qabyldaý 2020 jyldyń 1 qyrkúiegine deiin jalǵasady.
