Karantinge bailanysty tabysynan aiyrylýyna orai 2,3 millionnan astam qazaqstandyq 42 500 teńgeden aldy, dep habarlaidy "Ult aqparat" QR Eńbek jáne halyqty áleýmettik qorǵaý ministrligine silteme jasap.
20 tamyz saǵat 09.00-degi jaǵdai boiynsha, Memlekettik áleýmettik saqtandyrý qorynan (MÁSQ) birjolǵy tólem alý úshin azamattardan 2 mln 579 myńnan astam ótinish túsken. Tólemdi 2 mln 367,1 myń qazaqstandyq aldy, onyń ishinde 2 mln 357,9 myń adam tamyz aiynda karantinniń uzartylýyna bailanysty 21 250 myń teńge mólsherinde qosymsha aqy aldy.
Ótinish qabyldaý 2020 jyldyń 1 qyrkúiegine deiin jalǵasady.
MÁSQ-tan tólem alýǵa ótinimder birneshe jolmen qabyldanyp jatyr. Máselen, 2 mln 579 myńnan astam ótinimniń ishinde:
– 834,7 myń adam proaktivti formatta tólem taǵaiyndaýǵa kelisim bergen;
– 674,5 myń adam Egov.kz portaly jáne telegram-bottar arqyly;
– 406,9 myń adam 42500.enbek.kz portaly arqyly;
– 662,7 myń adam ekinshi deńgeidegi bankterdiń mobildik qosymshalary men internet-resýrstary arqyly;
– 0,4 myń adam shtabtar arqyly ótinish bergen.
Azamattardyń sanattary bólinisinde:
– 834,7 myń ótinish biryńǵai jiyntyq tólem tóleýshilerden kelgen (proaktivti formatta);
– 259,5 myń ótinishti jaldamaly qyzmetkerleri úshin jumys berýshiler bergen;
– 1 mln 485,1 myń ótinish azamattardyń basqa sanattarynan kelip tústi (jeke kásipkerler, jeke praktikamen ainalysatyn adamdar, azamattyq-quqyqtyq sipattaǵy sharttar boiynsha tabys alatyn jeke tulǵalar).
