Qalanyń sanitarlyq dárigeri Janna Pirálievanyń sheshimine sáikes, 23 maýsymda Nur-Sultan qalasynda barlyq balabaqshalardyń jumysy menshik nysanyna qaramastan (memlekettik jáne jeke menshik) toqtatylady, dep habarlaidy "Ult aqparat" qala ákimdiginiń resmi saityna silteme jasap.
Buryn balalar sanyn bir topta 15 adamnan asyrmaý tártibimen balabaqshalar kezekshi toptarda jumys isteitin. Epidemiologiialyq jaǵdaidy jáne tárbieshilerdiń COVID-19 juqtyrý faktilerin eskere otyryp, balabaqshalardyń qyzmetin toqtata turý týraly sheshim qabyldandy. Eger balalardyń qasynda qaldyratyn eshkim bolmasa, ata-analardyń biri qashyqtan jumys rejimine aýysýy kerek.
Karantin kezeńinde balalardyń jalpy sanynyń tek 20% -y balabaqshalarǵa (memlekettik jáne jeke) bardy. Qabyldanǵan sharalar tek balalardyń densaýlyǵyn saqtaýǵa jáne infektsiianyń taralý qaýpin azaitýǵa baǵyttalǵan. Balabaqshalar jumysynyń qaita jandanýy qaladaǵy epidemiologiialyq jaǵdaiǵa bailanysty bolady. Sanitarlyq normalardy qatań saqtaý kerek: maska kiip, qolyńyzdy antiseptikpen óńdeńiz jáne áleýmettik qashyqtyq saqtalýyn qadaǵalańyz.
