Qazaqstandyq boksshy Danila Semenov (4-0, 2 KO) kásibi ringtegi besinshi jekpe-jegin ótkizdi, dep habarlaidy QazAqparat Sports.kz saityna silteme jasap.

Ol Máskeýde ótken boks keshinde «Pokemon» laqap aty bar argentinalyq Pablo Fariaspen (32-5, 17 KO) kezdesti. 

Olardyń jekpe-jegi alty raýndqa sozylyp, biraýyzdan qabyldanǵan sheshimmen Semenov jeńdi. Jekpe-jek barysynda tóreshi qazaqstandyqtyń alǵa umtyla júrgeni úshin onyń bir upaiyn alyp tastady. Degenmen, bul jekpe-jektiń nátijesine áser etken joq. Osylaisha, Danila Semenov kásipqoi mansabyndaǵy besinshi jeńisine qol jetkizse, Pablo Farias altynshy ret jeńiliske ushyrady. 

Aita keteiik, 22 jastaǵy qazaqstandyq kásibi alańdaǵy debiýtin 2020 jyldyń qazan aiynda bastaǵan bolatyn. 

Semenov buǵan deiin malaviialyq Mýssa Adjibany (28-18-5, 24 KO), ganalyq Abraham Tabýldy (17-5-1, 14 KO), ońtústik afrikalyq Osborn Machimanýdy (23-15-2, 17 KO) jáne namibiialyq Vikapitý Mererony (30-11, 15 KO) jeńgen bolatyn.