Karantinge bailanysty Nur-Sultan jáne Almaty qalalaryna keletin jáne osy eki megapolisten shyǵatyn barlyq avtobýs reisteri toqtatyldy, dep habarlaidy "Ult aqparat".
«22 naýryz kúni saǵat 00:00 bastap Nur-Sultan jáne Almaty qalalaryna/qalalarynan avtomobil kóligimen jolaýshylar tasymaldaý toqtatylady», - dedi QR Indýstriia jáne infraqurylymdyq damý ministrliginen.
Atap ótilgendei, jolaýshylardy tranzittik tasymaldaý atalmysh eki shahar aýmaǵyna kirmei júzege asyrylady.
«Eske sala keteiik, Qazaqstan Respýblikasynyń Prezidenti janyndaǵy Tótenshe jaǵdai rejimin qamtamasyz etý jónindegi memlekettik komissiiasynyń 2020 jylǵy 16 naýryzdaǵy sheshimine sáikes Resei, Qyrǵyzstan, Ózbekstan jáne Mońǵoliiamen arada avtomobil kóliginiń barlyq túrimen ekijaqty jolaýshy jáne júk tasymaldaý, sondai-aq Qazaqstan Respýblikasynyń aýmaǵy boiynsha tranzittik jolaýshylar tasymaldaý toqtatyldy. Bul tyiym halyqaralyq qatynastaǵy júk avtokólik quraldarymen júk tasymaldaýǵa taralmaidy», - dedi vedomstvodan.
