Ádilet ministri Marat Beketaev Qazaqstan Ulttyq qoryndaǵy buǵattalǵan 22 milliard dollardyń QR ieliginde qala beretinin málimdedi, - dep habarlaidy Tengrinews.kz tilshisi.
"Londondaǵy protseske kelsek, bul qarajat QR ieliginde qala beredi. Qarajat táýelsiz immýnitetpen qorǵalǵan. Buǵattaldy degen másele aldaǵy ýaqytta bul aktivti bireý-mireýdiń qolyna ótkizý múmkin emestiginde. Ulttyq qordy basqaratyn Ulttyq bank salmaqty saiasatty ustanady, turaqty aktivter quiyldy, bul qarajat ieligimizde qalyp, tabys túsiredi. Qater shaǵymnyń shekteýli somasyna qatysty - bul shamamen 500 million dollar. 22 milliardty eshkim eshqashan ala almaidy", - dep málimdedi ministr úkimet otyrysynyń úzilisinde.
Beketaevtyń aitýynsha, Qazaqstan barlyq qujat pen dáleldi biylǵy maýsymda aǵylshyn sotynda usynǵan, aǵylshyn soty alaiaqtyq derekteriniń baryn rastaǵan.
"Bul is Londondaǵy sotta qaralady. Alaiaqtyq boiynsha sot tyńdaýy 2018 jyldyń qazanyna belgilengen. Biz tipti shaǵym somasyn bergimiz kelmeidi, sebebi arbitrajdyq sheshim alaiaqtyq jolmen jasalǵan", - deidi Beketaev.
Ulttyq bank tóraǵasy Daniiar Aqyshev óz kezeginde qarjy retteýshisiniń ulttyq qordy basqara otyryp qarajatty syrtqy basqarýshylar arasynda úlestiriletinin túsindirdi. Alaida basqarý qurylymy mynadai: bul qarajat birneshe kastodianda - barlyq qarjy quralyn esepke alyp, saqtaý boiynsha mamandandyrylǵan fýnktsiiasyn júzege asyratyn bankterde bolady, bul qarjy quraldaryna Ulttyq qor investitsiia quiyp, sol qarajat boiynsha esep júrgizedi. Bul degenimiz mundai kastodiandardyń birneshe ekenin bildiredi, Qazaqstan ulttyq qory boiynsha birneshesi bar.
"Belgiiada ornalasqan kastodian "Niý-Iork Melon" banki, onda qazirgi ýaqytta shaǵym aiasynda buǵattalǵan 22 milliard dollar bar. Úkimet te, zań keńesshilerimiz de buǵan deiin de talai márte jariia etken shaǵym somasy qazirgi ýaqytta buǵattalǵan qarajat deńgeiimen salystyrýǵa kelmeitini anyq", - dep esepteidi Aqyshev.
Ulttyq bank basshysy Qazaqstannyń bul sheshimniń zańdylyǵyna narazylyq bildirdi.
"Bul sheshimge shaǵym túsirý múmkindigi bar. Qazir biz jumys istep jatyrmyz, sebebi kastodian-bank shaǵym somasy sáikes kelmeitinin bile tura aktivterdi buǵattap, bizdiń oiymyzsha, zańsyz áreketke kóshti. Ekinshiden, bul másele olardyń quzyrynda emes dep esepteimiz", - dedi Daniiar Aqyshev.
Ol Qazaqstannyń osy máseleni sheshý úshin belsendi jumys istep jatqanyn aitty. Aitýynsha, Ádilet ministrligi bul jaǵdaida úkimettiń múddesin qorǵaityn negizgi organ bolyp otyr.
"Ulttyq bank barlyq qajetti qoldaýdy bildirip otyr, onyń ishinde zań keńesshilerin jaldap otyr. Munda másele qaterli deńgeide nemese aktivterdi joǵaltý týraly sóz bolyp otyr dep oilamaimyn. Iá, shyn máninde quqyqtyq daý bar. Qorytyndysynda bul daý óz sheshimin tabady dep esepteimin. Biz jetkilikti ári aitarlyqtai mamandanǵanbyz jáne bizdiń keńesshiler tiisti deńgeide jumys istep, ulttyq qor qarajatyn qazirgidei jaǵdaida tolyqtai igere alamyz dep oilaimyn", - dedi Aqyshev.
Eske salaiyq, taiaýda Bank of New York Mellon Qazaqstan Ulttyq qorynyń 22 milliard dollaryn buǵattaǵan bolatyn.
"Ulttyq bank ta Qazaqstan Respýblikasy da qazirgi ýaqytta sottyń bul sheshimine shaǵym bildirý múmkindigin qarastyrýda. Sonymen birge, bul sheshim Ulttyq banktiń jáne Qazaqstan Respýblikasynyń basqa sheteldik iýrisdiktsiialardaǵy pozitsiiasyna da, Stati oryndaýǵa talpynys jasap otyrǵan tórelik sheshim alaiaqtyq jolymen alyndy degen Qazaqstan Respýblikasynyń dáleline de esh áser etpeidi", - delingen Ádilet ministrliginiń saitynda jariialanǵan habarlamada.
