Petropavlda 21 jyl 9 aiǵa sottalǵan adam jazasyn ótep jatyp, bostandyqtaǵy sybailastarymen birge eki adamdy bopsalaǵan, dep habarlaidy ult.kz.
Qylmystyq ister jónindegi kassatsiialyq sottyń málimetinshe, L. esimdi sottalǵan adam qylmysqa beinebailanys arqyly qatysqan. Onyń bostandyqtaǵy sybailastarymen birge Petropavldaǵy saýnada eki jábirlenýshiden aqsha talap etkeni anyqtalǵan.
Tergeý barysynda sybailastarynyń biriniń telefonynan «Sasha» degen atpen saqtalǵan nómir anyqtalǵan. Onyń L.-ǵa tiesili ekeni keiin rastalǵan. Hat almasýda qylmystyń jai-japsary, izderdi jasyrý jáne qylmystyq jolmen alynǵan aqshanyń bir bóligin L.-ǵa aýdarý máseleleri talqylanǵan.
Uialy bailanys operatorynyń derekteri de nómirdiń L.-ǵa tiesili ekenin rastaǵan. Al bazalyq stantsiia málimetteri qylmys jasalǵan kúni onyń telefony jaza ótep jatqan mekeme aýmaǵynda bolǵanyn kórsetken.
Bopsalaý kezinde jábirlenýshiler 300 myń jáne 145 myń teńge kóleminde nesie rásimdegen.
Birinshi satydaǵy sot L.-ny bopsalaý boiynsha kináli dep tanyp, 3 jylǵa bas bostandyǵynan aiyrý jazasyn taǵaiyndaǵan.
Alaida jańa qylmysty ol burynǵy úkim boiynsha 21 jyl 9 ailyq jazasyn ótep júrgen kezde jasaǵan. Osyǵan bailanysty túpkilikti jaza merzimi 8 jyl bolyp belgilendi.
