Ortasha ómir súrý uzaqtyǵy osy ǵasyrdyń orta tusynda AIV infektsiiasy, semirý, diabet jáne aýanyń lastanýy saldarynan aitarlyqtai tómendeýi múmkin. Bul týraly Lancet jýrnalynda jariialanǵan maqalada aitylǵan, dep habarlaidy QazAqparat.
«Bolashaqta asa kúrdeli másele týyndaýy múmkin - tehnikalyq progress damyǵan álemniń densaýlyq kórsetkishi nasharlaidy» - delingen maqalada.
Adamzat tarihynda ǵylym men meditsina damyp, ómir súrý uzaqtyǵy da ósken edi. Qazirgi tańda adamdar 60 jastan asa ómir súrip jatyr. Al, damyǵan elderde bul kórsetkish 80 jasty quraidy.
Zertteýge sáikes, AQSh 2040 jyly uzaq ómir súretin elder tiziminde 44-ten 46-shy orynǵa túsýi múmkin. Birinshi orynǵa Ispaniia shyǵyp, qazirgi kóshbasshy Japoniia ekinshi orynǵa syrǵidy.
Bul ózgeris AIV men Altsgeimer, diabet, búirek qyzmetiniń buzylýy aýrýlary saldarynan týyndaidy.
