Foto: Tengrinews.kz/Turar Qazanǵapov
Premer-ministrdiń orynbasary Altai Kólginov Úkimettiń boljamy boiynsha 2035 jyly Astanada 2,5 million adam turatynyn aitty, - dep habarlaidy Tengrinews.kz saity.
"Bas jospar negizinde, birinshisi 2000 jyldyń basynda qabyldandy, oǵan sáikes 2023 jylǵa qarai elorda turǵyndarynyń sany 800 myń adam bolady degen boljamdar bar edi. Sodan keiin tájiribe basqasha kórsetti, iaǵni barlyq boljam jospardan asyp tústi, 2010 jyly Bas jospar túzetilgende 2030 jylǵa qarai 1 million 200 myń adam bolady dep josparlandy. Bul 2020 jyly oryndaldy", - dedi Kólginov Úkimet otyrysy kýlýarynda jýrnalister suraǵyna jaýap berip.
Ol boljamdar durys emestigin, 2020 jyldan bastap elordanyń Bas josparyn túzetý bastalǵanyn aitty.
"Halyq ósimin, dinamikasyn eskere otyryp, qazir boljamdar 2035 jylǵa qarai 2 million 200 myń nemese 2 million 500 myń adam bolatynyn kórsetip otyr. Biz bul úshin infraqurylymdy daiyndaýymyz kerek. Biyl ákimdik Úkimetke baryp, osy Bas jospardy bekitýi kerek. Bas josparǵa sáikes balalar mektepteri, balabaqshalar, áleýmettik nysandar, áleýmettik turǵyn úiler sany artty, injenerlik infraqurylym, mysaly, eki gaz jylý stantsiiasynyń qurylysyn bastadyq", - dep túsindirdi Kólginov.
