Májilistegi jumyspen qamtý máselelerine arnalǵan parlamenttik tyńdaýda jumyspen qamtý salasyndaǵy ulttyq sarapshy Jaqsybek Kúlekeev 2031 jylǵa deiingi demografiialyq damýdyń boljamymen bólisti, dep habarlaidy Baq.kz tilshisi.
«Boljamdar belgili bir jaǵdailarǵa súienip jasalatyny belgili. Sondyqtan 2031 jylǵa deiingi boljaýdy jasaý barysynda birneshe jaǵdai eskerildi. Birinshiden, sońǵy 15 jyldy elimizdegi halyqtyń ósý qarqyny jaman bolǵan joq. Jalpy halyqtyń ortasha jyldyq ósimi 1,2-ni qurady. Oǵan elimizdegi jalpy halyqtyń tabiǵi ósimi 2001 jylmen salystyrǵanda sońǵy kezderi 3 esege deiin óskeni áser etti. Ekinshiden, Qazaqstan óńirlerindegi halyqtyń ósý qarqyny ártúrli boldy. Mysaly, eń joǵary ósim Astana qalasy men Mańǵystaý óńirinde joǵay boldy. Mundaǵy halyqtyń sany 15 jylmen salystyrǵanda 2 esege artty. Ońtústik aimaqtarda da halyqtyq ósý kórsetkishi jaqsy ekeni baiqaldy», - dedi sarapshy.
Sonymen qatar ol Reseimen shekaralas aýdandardaǵy halyqtyń sany azaiǵanyn atap ótti.
«Reseimen shekeralas 5 aimaqta halyqtyń sanynyń qysqarýy baiqalyp otyr. Sondai-aq 2012 jyldan bastap, syrtqa ketip jatqan azamattarymyzdyń sany Qazaqstanǵa kelip jatqan azamattardan basym ekeni baiqaldy. Iaǵni syrtqy migratsiia ainalymy teris boljamǵa ákep soǵýda. Saldarynan halqymyzdyń sany jylyna orta eseppen 12-15 myń adamǵa azaiyp otyr», - dedi Jaqsybek Kúlekeev.
Osy oraida sarapshy joǵaryda faktorlardy eskere kele, 2030 jyly Qazaqstan halqynyń sany qansha bolatynyn jetkizdi.
«Atalǵan jaǵdailardy eskere kele, 2030 jyly halyqtyń sany 20 mln 560 myńǵa jetýi múmkin. Munda Soltústik Qazaqstan oblysy men Qostanai oblysynda bul kezeńde de halyqtyń azaiýy jalǵasa beretinin baiqaimyz. Sondai-aq 2030 jylǵa deiingi ýaqytta Astana men Shymkent halyqynyń qarqyndy ósýi baiqalady. Mańǵystaý men Atyraý oblysynda da halyq sanynyń ósýi óte joǵary deńgeide bolady. Alaida Reseimen shekaralas aimaqtarda halyqtyń ósýi kóńildegidei bolmaidy», - dep túiindedi sózin Jaqsybek Kúlekeev.
