2030 jylǵa qarai sý resýrstarynyń tapshylyǵy 23,2 tekshe shaqyrymdy quraýy múmkin. Bul týraly QR Ekologiia, geologiia jáne tabiǵi resýrstar vitse-ministri Serik Qojaniiazov aitty, dep habarlaidy QazAqparat.
«Eldegi sý sharýashylyǵy jaǵdaiyn jaqsartý boiynsha qabyldanyp jatqan sharalarmen qatar, shekaralas elderdiń aýmaǵynan keletin sý aǵynynyń qysqarýy boljanýda. El ishinde de, odan tys jerlerde de antropogendik áserdi eskere otyryp, 2030 jylǵa qarai sý resýrstarynyń tapshylyǵy shamamen 23,2 tekshe shaqyrymdy quraýy múmkin», - dedi ol ministrliktiń alqa májilisinde.
Onyń atap ótýinshe, oǵan transshekaralyq aǵyndarǵa úlken táýeldilik, tómen sý tiimdiligi, sý sharýashylyǵy infraqurylymynyń qatty tozýy, ýákiletti organnyń jetilmegen qurylymy jáne tómen jasaqtalýy, álsiz ǵylymi súiemeldeý negizgi sebep bolmaq.
«Osy problemalardyń birqatary qazirdiń ózinde «Jasyl Qazaqstan» ulttyq jobasy aiasynda iske asyrylýda. Oǵan sáikes 2025 jylǵa qarai sýarý kezindegi shyǵyndy 4 tekshe shaqyrymǵa qysqartý, al ónerkásipte taza sý alý kólemin 1,3 tekshe shaqyrymǵa azaitý josparlanǵan», - deidi Serik Qojaniiazov.
