Jýrnalister Eńbek jáne halyqty áleýmettik qorǵaý ministri Tamara Dúisenovadan 2028 jyldan keiin áielder zeinetke neshe jastan bastap shyǵatynyn surady, dep habarlaidy Sputnik Qazaqstan.
"Ony 2028 jyldan keiin kóremiz. Zeinet jasy ómir uzaqtyǵyna, densaýlyǵyna, zeinetaqynyń mólsherine bailanysty belgilenedi. 2028 jylǵa deiin osy máseleler boiynsha qaraimyz. Ary qarai ýaqyt kórsetedi", - dedi Dúisenova elordada ótip jatqan Álemdik jáne dástúrli dinder liderleriniń VII seziniń kýlýarynda.
Ministr qazaqstandyq áielder 2023 jyldan bastap 61 jasynda zeinetke shyǵatynyn eske saldy. Bul norma 2028 jylǵa deiin kúshinde bolady.
Aitýynsha, Prezident tapsyrmasynan keiin zań jobasyna tiisti ózgerister engizilip, Úkimet múshelerimen kelisilgen. Endi qujat Májiliske ótedi.
Eske salsaq, 1 qyrkúiekte Qazaqstan halqyna Joldaýynda Memleket basshysy áielderdiń zeinet jasy 2028 jylǵa deiin 61 jas deńgeiinde belgilenetinin málimdedi.
