Foto: UOK
World Boxing halyqaralyq federatsiiasy 2027 jyly Astanada bokstan álem chempionatyn ótkizý týraly resmi túrde jariialady, dep habarlaidy Ult.kz.
Bul álemdik birinshilik halyqaralyq jarys kúntizbesindegi mańyzdy oqiǵa bolmaq. Sebebi týrnir 2028 jyly AQSh-tyń Los-Andjeles qalasynda ótetin jazǵy Olimpiada oiyndary qarsańynda uiymdastyrylady.
Chempionattyń ótkizilý merzimi men uiymdastyrý jumystary týraly qosymsha aqparat keiinirek habarlanady.
"2027 jyly Olimpiada aldynda ótetin bokstan álem chempionatyn ótkizý – Qazaqstan úshin úlken mártebe, ári jaýapkershilik. Bizdiń el iri halyqaralyq sporttyq jarystardy joǵary deńgeide ótkizýde mol tájiribege ie jáne bul týrnir de sol dástúrden tys qalmaitynyna senimdimin. Olimpiada aldyndaǵy bul chempionattyń mańyzdylyǵyn túsine otyryp, World Boxing uiymyna bildirgen senimi úshin alǵysymdy aitamyn", – dedi Qazaqstan Ulttyq Olimpiadalyq komitetiniń prezidenti, World Boxing Olimpiadalyq komissiiasynyń tóraǵasy Gennadii Golovkin.
Aita keteiik, Qazaqstan tarihta ekinshi ret bokstan álem chempionatyn qabyldaidy. Buǵan deiin 2013 jyly Almatyda erler arasynda álem chempionaty ótken edi.
