فوتو: ۇوك
World Boxing حالىقارالىق فەدەراتسيياسى 2027 جىلى استانادا بوكستان ەلەم چەمپيوناتىن ٶتكٸزۋ تۋرالى رەسمي تٷردە جارييالادى, دەپ حابارلايدى Ult.kz.
بۇل ەلەمدٸك بٸرٸنشٸلٸك حالىقارالىق جارىس كٷنتٸزبەسٸندەگٸ ماڭىزدى وقيعا بولماق. سەبەبٸ تۋرنير 2028 جىلى اقش-تىڭ لوس-اندجەلەس قالاسىندا ٶتەتٸن جازعى وليمپيادا ويىندارى قارساڭىندا ۇيىمداستىرىلادى.
چەمپيوناتتىڭ ٶتكٸزٸلۋ مەرزٸمٸ مەن ۇيىمداستىرۋ جۇمىستارى تۋرالى قوسىمشا اقپارات كەيٸنٸرەك حابارلانادى.
"2027 جىلى وليمپيادا الدىندا ٶتەتٸن بوكستان ەلەم چەمپيوناتىن ٶتكٸزۋ – قازاقستان ٷشٸن ٷلكەن مەرتەبە, ەرٸ جاۋاپكەرشٸلٸك. بٸزدٸڭ ەل ٸرٸ حالىقارالىق سپورتتىق جارىستاردى جوعارى دەڭگەيدە ٶتكٸزۋدە مول تەجٸريبەگە يە جەنە بۇل تۋرنير دە سول دەستٷردەن تىس قالمايتىنىنا سەنٸمدٸمٸن. وليمپيادا الدىنداعى بۇل چەمپيوناتتىڭ ماڭىزدىلىعىن تٷسٸنە وتىرىپ, World Boxing ۇيىمىنا بٸلدٸرگەن سەنٸمٸ ٷشٸن العىسىمدى ايتامىن", – دەدٸ قازاقستان ۇلتتىق وليمپيادالىق كوميتەتٸنٸڭ پرەزيدەنتٸ, World Boxing وليمپيادالىق كوميسسيياسىنىڭ تٶراعاسى گەنناديي گولوۆكين.
ايتا كەتەيٸك, قازاقستان تاريحتا ەكٸنشٸ رەت بوكستان ەلەم چەمپيوناتىن قابىلدايدى. بۇعان دەيٸن 2013 جىلى الماتىدا ەرلەر اراسىندا ەلەم چەمپيوناتى ٶتكەن ەدٸ.
