.webp)
Foto: ashyq derekkóz
Elimizde túrlerdiń burynǵy tarihi mekenderinde joiylyp ketken popýliatsiialaryn qalpyna keltirý baǵytynda sharalar qabyldanyp jatyr. Eń aýqymdy bastamalardyń biri – jolbarysty Qazaqstannyń tabiǵatyna qaitarý jobasy. Bul týraly OKQ alańynda QR ETRM Orman sharýashylyǵy jáne janýarlar dúniesi komitetiniń tóraǵasy Daniiar Turǵambaev habarlady.
Onyń aitýynsha, 2018 jyly jalpy aýmaǵy 415 myń gektardan asatyn «Ile-Balqash» memlekettik tabiǵi rezervaty quryldy. Onda toǵaily ormandardy qalpyna keltirý jáne aýmaqty qorǵaý men baqylaý infraqurylymyn damytý jumystary júrgizildi.
«3,5 gektar aýmaqta jolbarystarǵa jáne qabandarǵa arnalǵan volerler, veterinariialyq pýnkt salyndy. 2024 jyldyń kúzińde Niderlandtaǵy Hoenderdaell haiýanattar baǵynan «Ile-Balqash» rezervatyna eki jolbarys jetkizildi. Qazirgi ýaqytta olar táýlik boiy mamandardyń baqylaýynda. Keleshekte jolbarystan urpaq alǵannan keiin olar spýtniktik baqylaýmen tabiǵi ortaǵa jiberiledi dep josparlanǵan. Al ata-analyq jup ǵylymi jáne aǵartýshylyq maqsattarda vizit-ortalyq janyndaǵy volerde qalady. 2026 jyly Reseiden 3-4 jolbarysty ákelý josparlanǵan», - dedi spiker baspasóz konferentsiiasynda.
