2025 jyly jańartylatyn energiia kózderinen 2 400 MVt qýat alynady. Bul týraly Ortalyq kommýnikatsiialar qyzmetindegi baspas máslihatynda QR Ulttyq ekonomika ministri Áset Erǵaliev aitty, dep habarlaidy QazAqparat.
Ministrdiń atap ótýinshe, «Qazaqstandyqtardyń ál-aýqatyn arttyrýǵa baǵyttalǵan ornyqty ekonomikalyq ósý» ulttyq jobasynyń tórtinshi baǵyty ekonomika men halyqtyń ósip kele jatqan qajettiligin qanaǵattandyrý maqsatynda energetikalyq keshendi jańǵyrtýdy kózdeidi.
«2025 jylǵa deiin jumys istep turǵan elektr stansalaryn jańǵyrtý esebinen 5 404 MVt qosymsha qýatty, onyń ishinde 2 400 MVt jańartylatyn energiia kózderi qýatyn, 1 400 MVt bý-gaz qondyrǵylaryn jáne 1 604 MVt iske qosý josparlanǵan», - dedi ol.
Onyń atap ótýinshe, Batys Qazaqstan, Manǵystaý jáne Atyraý oblystary arasynda elektr jetkizý jelisiniń ekinshi tizbegin (220 kV) salý josparlanýda.
«Qabyldanǵan is-sharalardyń nátijesinde elektr energiiasyn óndirýdiń jalpy kólemindegi jańartylatyn energiia kózderinen alynatyn elektr energiiasynyń úlesi 6 paiyzǵa jetedi. Jobalardy iske qosý ekonomikanyń elektr energiiasyna qajettiligin 120 mlrd kVt/saǵatqa deiin óteidi», - dedi ministr.
