2025 جىلى جاڭارتىلاتىن ەنەرگييا كٶزدەرٸنەن 2 400 مۆت قۋات الىنادى. بۇل تۋرالى ورتالىق كوممۋنيكاتسييالار قىزمەتٸندەگٸ باسپاس مەسليحاتىندا قر ۇلتتىق ەكونوميكا مينيسترٸ ەسەت ەرعاليەۆ ايتتى, دەپ حابارلايدى قازاقپارات.
مينيستردٸڭ اتاپ ٶتۋٸنشە, «قازاقستاندىقتاردىڭ ەل-اۋقاتىن ارتتىرۋعا باعىتتالعان ورنىقتى ەكونوميكالىق ٶسۋ» ۇلتتىق جوباسىنىڭ تٶرتٸنشٸ باعىتى ەكونوميكا مەن حالىقتىڭ ٶسٸپ كەلە جاتقان قاجەتتٸلٸگٸن قاناعاتتاندىرۋ ماقساتىندا ەنەرگەتيكالىق كەشەندٸ جاڭعىرتۋدى كٶزدەيدٸ.
«2025 جىلعا دەيٸن جۇمىس ٸستەپ تۇرعان ەلەكتر ستانسالارىن جاڭعىرتۋ ەسەبٸنەن 5 404 مۆت قوسىمشا قۋاتتى, ونىڭ ٸشٸندە 2 400 مۆت جاڭارتىلاتىن ەنەرگييا كٶزدەرٸ قۋاتىن, 1 400 مۆت بۋ-گاز قوندىرعىلارىن جەنە 1 604 مۆت ٸسكە قوسۋ جوسپارلانعان», - دەدٸ ول.
ونىڭ اتاپ ٶتۋٸنشە, باتىس قازاقستان, مانعىستاۋ جەنە اتىراۋ وبلىستارى اراسىندا ەلەكتر جەتكٸزۋ جەلٸسٸنٸڭ ەكٸنشٸ تٸزبەگٸن (220 كۆ) سالۋ جوسپارلانۋدا.
«قابىلدانعان ٸس-شارالاردىڭ نەتيجەسٸندە ەلەكتر ەنەرگيياسىن ٶندٸرۋدٸڭ جالپى كٶلەمٸندەگٸ جاڭارتىلاتىن ەنەرگييا كٶزدەرٸنەن الىناتىن ەلەكتر ەنەرگيياسىنىڭ ٷلەسٸ 6 پايىزعا جەتەدٸ. جوبالاردى ٸسكە قوسۋ ەكونوميكانىڭ ەلەكتر ەنەرگيياسىنا قاجەتتٸلٸگٸن 120 ملرد كۆت/ساعاتقا دەيٸن ٶتەيدٸ», - دەدٸ مينيستر.
