© Sputnik / Abzal Kaliev
Qazaqstanda jańa jyldan bastap barlyq áleýmettik tólemniń kólemi artty. Máselen, zeinetaqy 8,5 protsentke ósedi. Balalarǵa arnalǵan járdemaqylar da shamamen 6,5 protsentke kóteriledi. Sputnik Qazaqstan 2025 jyly zeinetaqy men járdemaqy neshe teńgege ósetinin zerdelep shyqty.
Eń tómengi zeinetaqy men kúnkóris deńgeii
2025 jyldan bastap áleýmettik tólemderdi esepteýge arnalǵan negizgi kórsetkishterdiń bári ósti. Eń tómengi jalaqynyń kólemi ǵana sol qalpynda qaldy.
eń tómengi kúnkóris deńgeii – 46 228 teńge;
eń tómengi zeinetaqy – 62 771 teńge;
eń tómengi bazalyq zeinetaqy 32 360 teńge;
eń tómengi jalaqy – 85 000 teńge;
ailyq eseptik kórsetkish – 3 932 teńge.
Búginde ailyq eseptik kórsetkishti áleýmettik tólemderdi eseptegende qoldanady. Máselen, bala týǵanda beriletin jórgekpuldyń kólemi 38 AEK-ti quraidy. 2024 jyly bul kórsetkish 3 692 teńge, al jórgekpuldyń kólemi (38×3 692) 140 296 teńge bolǵan. 2025 jyly járdemaqy 149 416 teńgege deiin artady.
Bala týǵanda jáne bala kútimine tólenetin járdemaqy
Qazaqstanda zań boiynsha úshinshi balaǵa deiingi járdemaqynyń naqty kólemi belgilengen. Al tórtinshi baladan bastap onyń mólsheri artady.
birinshi, ekinshi jáne úshinshi balaǵa 38 AEK - 149 416 teńge;
tórtinshi baladan bastap 63 AEK – 247 716 teńge.
Al egiz ben úshem týǵan jaǵdaida árbir balanyń tólemi bólek esepteledi. Odan keiin 1,5 jasqa deiingi bala kútimine arnalǵan járdemaqylar tólenedi.
1-shi balaǵa 5,76 AEK – 22 648 teńge;
2-shi balaǵa 6,81 AEK – 26 777 teńge,
3-shi balaǵa 7,85 AEK – 30 867 teńge;
4-shi balaǵa 8,90 AEK – 34 335 teńge.
Kópbalaly analardyń járdemaqysy artty
2025 jyldan bastap kópbalaly analardyń járdemaqysy shamamen 4 myń teńgege ósedi.
4 balanyń járdemaqysy 16,03 AEK – 63 030 teńge;
5 balanyń járdemaqysy 20,04 AEK – 78 798 teńge;
6 balanyń járdemaqysy 24,05 AEK – 94 565 teńge;
7 balanyń járdemaqysy 28,06 AEK – 110 332 teńge.
Osylaisha, árbir bala úshin 4 AEK – 15 728 teńge qosyla beredi. Máselen, 12 balanyń járdemaqysy kelesi jyly 188 736 teńge bolady.
Sondai-aq, kópbalaly ananyń nagradasyn alǵandardyń járdemaqysy kóteriledi.
"Altyn" alqa", "Batyr ana", I jáne II dárejeli "Ana dańqy" úshin 7,40 AEK – 29 097 teńge;
"Kúmis alqaǵa" 6,40 AEK – 25 165 teńge.
Múgedektik úshin beriletin járdemaqy qandai bolady
Múgedektigi bar azamattardyń járdemaqysy eń tómengi kúnkóris deńgeiimen esepteledi. Sondyqtan olardyń tólemi 4,5-6 myń teńgege ósedi.
7 jasqa deiingi múgedek balalarǵa – 74 428 teńge.
7-18 jastaǵy múgedek balalar jáne odan úlken azamattar:
I top – 101 702 teńge;
II top – 84 598 teńge;
III top – 74 428 teńge.
Bala kezinen múgedektigi bar adamdar:
I top – 101 702 teńge;
II top – 84 598 teńge;
III top – 74 428 teńge.
Budan bólek, múgedektigi bar balany tárbieleitin ata-anaǵa jáne I toptaǵy múgedektigi bar adamǵa kútim jasaityndarǵa memlekettik járdemaqy qarastyrylǵan. 2025 jyly onyń kólemi 74 428 teńge bolady.
