Foto: Nur.kz
2025 jyly "Keleshek" baǵdarlamasy iske qosylady. Iaǵni, keler jyly 5 jasqa tolǵan balalardyń shotyna memleket 235 000 teńge aýdarady. Al, ata-ana qamqorlyǵynsyz qalǵan búldirshinderdiń esepshoty 471 000 teńgemen tolyǵady. Bul týraly Ult.kz 31-arnanyń “Informbiýro” baǵdarlamasyna silteme jasap habarlaidy.
Biraq eskeretin jait bar. Baǵdarlama aiasynda, memlekettik kapital tek jyl saiyn aqsha salynyp otyrǵan esepshottarǵa ǵana túsedi. Demek ata-ana balasynyń shotyna jylyna kemi 24 ailyq eseptik kórsetkish kólemindegi aqshany jiberýi kerek. Bul soma kelesi jyly 94 000 teńge bolady. Eger esepshotqa qarjy túspese, kapital keri qaitarylady.
Ári jylda memlekettik syiaqy túsip turady. Máselen, barlyq salymshyǵa 5, al kópbalaly otbasylarǵa 7 paiyzdyq syilyqaqy qarastyrylǵan. Bastysy, "Keleshek" baǵdarlamasy boiynsha depozittik jinaqtar infliatsiiadan qorǵalǵan. Qazir kúni keshe ǵana Senat depýtattary maquldaǵan qujat prezidenttiń qol qoiýyna joldanyp otyr.
