2025 jyly qandastarǵa qansha kvota bólinedi?

Foto: qandastar.kz

Eńbek jáne halyqty áleýmettik qorǵaý ministrligi 2025 jyly qandas qabyldaý kvotasynyń jobasyn kópshilik talqylaýyna shyǵardy.

«Qandastardy qabyldaýdyń 2025 jylǵa arnalǵan óńirlik kvotasynyń sany 2 309 adam», - dep jazylǵan buiryq jobasynda.

Al qonys aýdarýshylardy qabyldaý kvotasynyń sany 7 344 adam bolyp belgilenbek. Ministrlik ókilderi bul jerdegi qonys aýdarýshylar kvotasy Qazaqstannyń óz ishinde jumyspen qamtý baǵdarlamalary aiasynda kóshetin adamdarǵa beriletinin aitady.

- Qujat eńbek tapshylyǵy bar óńirlerdiń qajettiligi negizinde 9 653 adamnan turatyn qandastardy qabyldaýdyń óńirlik kvotasyn bekitýdi kózdeidi, - dep jazylǵan qujatta. Iaǵni, atalmysh kvotaǵa engen tulǵalar eldegi eńbek kúshiniń tapshylyǵy bar óńirlerine jiberiledi degen sóz.

2024 jyly qandas qabyldaýdyń óńirlik kvotasy 2433 bolǵan edi.