QR Ulttyq ekonomika ministri Timýr Súleimenov Shymkent qai kezeńnen bastap dotatsiialyq óńir ataýynan shyǵatynyn aitty, dep habarlaidy "Ult aqparat".
Búgin Senattyń jalpy otyrysynda depýtattar ministrden Shymkent qalasy búginde dotatsiia alyp otyrǵanyn aita kele, atalǵan shahar qai ýaqyttan bastap ózin-ózi tolyq qarjylandyra alatynyn surady.
«Shymkent qalasynyń ekonomikalyq ári qarjylyq turǵyda áleýeti joǵary. Jaqynda qala ózin-ózi qamtamasyz etetin deńgeige jetedi. Biz shahar ákimdigimen tiisti esepteýlerdi júrgizdik. Ekonomikalyq damý josparyn eskere otyryp, 2025 jylǵa qarai Shymkent atalǵan mejege shyǵady», - dedi Timýr Súleimenov.
Aita keteiik, búgin Senattyń jalpy otyrysynda «Qazaqstan Respýblikasynyń keibir konstitýtsiialyq zańdaryna Qazaqstan Respýblikasynyń ákimshilik-aýmaqtyq qurylysy máseleleri boiynsha ózgerister engizý týraly» Zańy qabyldandy.
Atalǵan qujatty qabyldaý zańnamalyq aktilerdiń respýblikalyq mańyzy bar qalalarǵa qatysty normalaryn Shymkent qalasyna da qoldanýǵa múmkindik beredi.
