QR Úkimet basshysynyń orynbasary Roman Skliar memlekettik-jekeshelik seriktestik jelisi boiynsha mektep qurylysyna qatysty suraqqa jaýap berdi, dep habarlaidy "Ult aqparat".
«Qazirgi kezde el boiynsha mekteptegi oryn tapshylyǵy 243 myńǵa jetip otyr, úsh aýysymdaǵy oqytý 137 mektepte júrgiziledi. Óndiristik esepteýlerge sáikes, 2025 jylǵa qarai atalǵan oryndardyń tapshylyǵy 474 myń bolýy múmkin. Buǵan demografiialyq ári kóshi-qon protsesteri, mektep ǵimarattarynyń tozýy áser etedi. Alaida memlekettik mektepter qurylysynyń qarqyny halyqtyń demografiiasy men migratsiiasyna sai kelmei tur», - delingen Skliardyń depýtattyq saýalǵa bergen jaýabynda.
Oryn tapshylyǵy, úsh aýysymdaǵy oqytý jáne apatty mektep ǵimaraty máselelerin sheshý úshin áleýmettik infraqurylymdy damytýdyń qarqyndy qadamdary kerek.
«Biýdjetke bir mezgilde eleýli júktemeni boldyrmaý maqsatynda iri zamanaýi mektepter qurylysy memlekettik-jekeshelik seristestik modeli boiynsha josparlanyp otyr», - dep tolyqtyrdy Úkimet basshysynyń orynbasary.
