2025 jylǵa qarai 5 munai-gaz himiia zaýyty paidalanýǵa beriledi. Bul nysandardy salý QR Ulttyq ekonomika ministrligi ázirlegen «Qazaqstandyqtardyń ál-aýqatyn arttyrýǵa baǵyttalǵan ornyqty ekonomikalyq ósý» ulttyq jobasy aiasynda qarastyrylǵan, dep habarlaidy QazAqparat.
QR UEM málimetinshe, jobanyń «Munai-gaz himiiasy keshenin damytý» baǵyty boiynsha syrtqy suranysty qanaǵattandyrý úshin iri joǵary tehnologiialyq munai-gaz himiiasy óndiristeri engiziledi.
Atap aitqanda, 2025 jylǵa qarai 5 munai-gaz himiia zaýytyn paidalanýǵa beriledi. Olar: polipropilen óndirisi; benzin men polipropilenge arnalǵan qospa óndirisi; metanol óndirisi; polietilentereftalat óndirisi; Qashaǵan ken orny shikizaty bazasyndaǵy gaz óńdeý zaýyty.
«Nátijesinde munai-gaz himiiasy ónimderin óndirý kólemi 360 myńnan 2 mln tonnaǵa deiin 5 esege ulǵaiady. Sondai-aq eksport 9 esege (0,15-ten 1,4 mlrd.AQSh doll) ósedi», - dep atap ótedi ministrlikten.
