2025 jylǵa qarai elimizde 22 myń nysan múgedekti jandardyń kirip-shyǵýyna yńǵaily bolady. Bul jaiynda QR Eńbek jáne halyqty áleýmettik qorǵaý ministrligi Eńbek, áleýmettik qorǵaý jáne kóshi-qon komiteti tóraǵasynyń orynbasary Anarhan Dúisenova aitty, dep habarlaidy QazAqparat.
Onyń aitýynsha, búgingi tańda «Múgedek adamdardy áleýmettik qorǵaý» aqparattyq portalynda (inva.gov.kz) óńirler turǵysynda Nysandardyń qoljetimdiligi kartasy jumys istep tur. Onda el boiynsha 35 myńnan astam áleýmettik infraqurylym nysandarynyń múgedek jandarǵa beiimdelýi týraly málimetter qamtylǵan. Atalǵan nysandar qoljetimdiliktiń 3 sanatyna bólingen: qoljetimdi, ishinara qoljetimdi, qoljetimdi emes. Qoljetimdilik múgedektigi bar 4 sanatyna qatysty qarastyrylǵan. Atap aitqanda, adam aǵzasy fýnktsiialarynyń buzylý sipaty, estý, kórý, tirek-qimyl apparaty buzylǵan adamdar jáne tek kreslo-arbalarmen júrip-turý múmkindigi bar adamdarǵa eskerilgen.
«2025 jylǵa deiingi kezeńde 22 myń nysan eń basym bolyp belgilendi. Bul birinshi kezekte - memlekettik mekemeler, HQKO, emhanalar, densaýlyq saqtaý, bilim berý, mádeniet jáne sport nysandary siiaqty múgedektigi bar adamdar jii baratyn nysandar», - dedi Anarhan Dúisenova Ortalyq kommýnikatsiialar qyzmetindegi baspasóz máslihatynda.
