2025 جىلعا قاراي ەلٸمٸزدە 22 مىڭ نىسان مٷگەدەكتٸ جانداردىڭ كٸرٸپ-شىعۋىنا ىڭعايلى بولادى. بۇل جايىندا قر ەڭبەك جەنە حالىقتى ەلەۋمەتتٸك قورعاۋ مينيسترلٸگٸ ەڭبەك, ەلەۋمەتتٸك قورعاۋ جەنە كٶشٸ-قون كوميتەتٸ تٶراعاسىنىڭ ورىنباسارى انارحان دٷيسەنوۆا ايتتى, دەپ حابارلايدى قازاقپارات.
ونىڭ ايتۋىنشا, بٷگٸنگٸ تاڭدا «مٷگەدەك ادامداردى ەلەۋمەتتٸك قورعاۋ» اقپاراتتىق پورتالىندا (inva.gov.kz) ٶڭٸرلەر تۇرعىسىندا نىسانداردىڭ قولجەتٸمدٸلٸگٸ كارتاسى جۇمىس ٸستەپ تۇر. وندا ەل بويىنشا 35 مىڭنان استام ەلەۋمەتتٸك ينفراقۇرىلىم نىساندارىنىڭ مٷگەدەك جاندارعا بەيٸمدەلۋٸ تۋرالى مەلٸمەتتەر قامتىلعان. اتالعان نىساندار قولجەتٸمدٸلٸكتٸڭ 3 ساناتىنا بٶلٸنگەن: قولجەتٸمدٸ, ٸشٸنارا قولجەتٸمدٸ, قولجەتٸمدٸ ەمەس. قولجەتٸمدٸلٸك مٷگەدەكتٸگٸ بار 4 ساناتىنا قاتىستى قاراستىرىلعان. اتاپ ايتقاندا, ادام اعزاسى فۋنكتسييالارىنىڭ بۇزىلۋ سيپاتى, ەستۋ, كٶرۋ, تٸرەك-قيمىل اپپاراتى بۇزىلعان ادامدار جەنە تەك كرەسلو-اربالارمەن جٷرٸپ-تۇرۋ مٷمكٸندٸگٸ بار ادامدارعا ەسكەرٸلگەن.
«2025 جىلعا دەيٸنگٸ كەزەڭدە 22 مىڭ نىسان ەڭ باسىم بولىپ بەلگٸلەندٸ. بۇل بٸرٸنشٸ كەزەكتە - مەملەكەتتٸك مەكەمەلەر, حقكو, ەمحانالار, دەنساۋلىق ساقتاۋ, بٸلٸم بەرۋ, مەدەنيەت جەنە سپورت نىساندارى سيياقتى مٷگەدەكتٸگٸ بار ادامدار جيٸ باراتىن نىساندار», - دەدٸ انارحان دٷيسەنوۆا ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
