Elimizde 2025 jylǵa deiin salynatyn himiialyq munai-gaz óndiretin zaýyttardy salý barysy týraly QR Energetika ministriniń birinshi orynbasary Murat Jórebekov aityp berdi, dep habarlaidy QazAqparat.
Ortalyq kommýnikatsiialar qyzmetinde ótken baspasóz máslihatynda QR Energetika ministriniń birinshi orynbasary Murat Jórebekovke «Siz 2025 jylǵa deiin Qazaqstanda himiialyq munai-gaz óndiretin bes zaýyt salynady dedińiz. Jańadan salynatyn zaýyttar týraly tolyǵyraq aityp ótseńiz?» degen saýal qoiyldy.
«5 zaýyttyń biri Atyraý oblysynda salynbaq, onda gaz óndeledi. Búginde zaýyttyń qurylysy bastalyp ketti, 2023 jyldyń sońyna qarai paidalanýǵa berýdi josparlap otyrmyz. Atalǵan óńirde salynyp jatqan ekinshi zaýyt polipropilen shyǵaratyn bolady. Qurylys jumysynyń 95 paiyzy bitip tur, qoldanysqa kelesi jyly beriledi. Úshinshi zaýytta Atyraý aýmaǵynda salynyp jatyr ol polietilentereftalat jasaýmen ainalyspaq. Qýaty 430 myń tonnany quraidy. Bul ónerkisip qurylysyn aiaqtaý 2024 jylǵa josparlanýda. Tórtinshi zaýyt polipropilen untaǵy men binzinge arnalǵan oktan kóteretin qospa shyǵarady. Zaýyt Shymkentte salynyp jatyr, 2024 jyly paidalanýǵa beriledi. Jáne besinshi metanol shyǵaratyn ónerkásip BQO-da turǵyzylmaq. Zaýyt qurylysy áli bastalǵan joq, biraq jospar boiynsha 2023 jyly iske qosylýy tiis», - dep jaýap berdi Murat Jórebekov tilshiniń suraǵyna.
Onyń aitýynsha, atalǵan zaýyttar 2025 jylǵa deiin paidalanýǵa berilýi tiis.
