ەلٸمٸزدە 2025 جىلعا دەيٸن سالىناتىن حيمييالىق مۇناي-گاز ٶندٸرەتٸن زاۋىتتاردى سالۋ بارىسى تۋرالى قر ەنەرگەتيكا مينيسترٸنٸڭ بٸرٸنشٸ ورىنباسارى مۇرات جٶرەبەكوۆ ايتىپ بەردٸ, دەپ حابارلايدى قازاقپارات.
ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا قر ەنەرگەتيكا مينيسترٸنٸڭ بٸرٸنشٸ ورىنباسارى مۇرات جٶرەبەكوۆكە «سٸز 2025 جىلعا دەيٸن قازاقستاندا حيمييالىق مۇناي-گاز ٶندٸرەتٸن بەس زاۋىت سالىنادى دەدٸڭٸز. جاڭادان سالىناتىن زاۋىتتار تۋرالى تولىعىراق ايتىپ ٶتسەڭٸز?» دەگەن ساۋال قويىلدى.
«5 زاۋىتتىڭ بٸرٸ اتىراۋ وبلىسىندا سالىنباق, وندا گاز ٶندەلەدٸ. بٷگٸندە زاۋىتتىڭ قۇرىلىسى باستالىپ كەتتٸ, 2023 جىلدىڭ سوڭىنا قاراي پايدالانۋعا بەرۋدٸ جوسپارلاپ وتىرمىز. اتالعان ٶڭٸردە سالىنىپ جاتقان ەكٸنشٸ زاۋىت پوليپروپيلەن شىعاراتىن بولادى. قۇرىلىس جۇمىسىنىڭ 95 پايىزى بٸتٸپ تۇر, قولدانىسقا كەلەسٸ جىلى بەرٸلەدٸ. ٷشٸنشٸ زاۋىتتا اتىراۋ اۋماعىندا سالىنىپ جاتىر ول پوليەتيلەنتەرەفتالات جاساۋمەن اينالىسپاق. قۋاتى 430 مىڭ توننانى قۇرايدى. بۇل ٶنەركٸسٸپ قۇرىلىسىن اياقتاۋ 2024 جىلعا جوسپارلانۋدا. تٶرتٸنشٸ زاۋىت پوليپروپيلەن ۇنتاعى مەن بينزينگە ارنالعان وكتان كٶتەرەتٸن قوسپا شىعارادى. زاۋىت شىمكەنتتە سالىنىپ جاتىر, 2024 جىلى پايدالانۋعا بەرٸلەدٸ. جەنە بەسٸنشٸ مەتانول شىعاراتىن ٶنەركەسٸپ بقو-دا تۇرعىزىلماق. زاۋىت قۇرىلىسى ەلٸ باستالعان جوق, بٸراق جوسپار بويىنشا 2023 جىلى ٸسكە قوسىلۋى تيٸس», - دەپ جاۋاپ بەردٸ مۇرات جٶرەبەكوۆ تٸلشٸنٸڭ سۇراعىنا.
ونىڭ ايتۋىنشا, اتالعان زاۋىتتار 2025 جىلعا دەيٸن پايدالانۋعا بەرٸلۋٸ تيٸس.
