«Eńbek resýrstaryn damytý ortalyǵy» AQ (ERDO) daiyndaǵan orta merzimdi boljamǵa sáikes, Qazaqstanda 2021-2025 jyldary jaldamaly eńbekke degen suranys shamamen 1 mln adamdy quraidy, dep habarlaidy QR Eńbek jáne halyqty áleýmettik qorǵaý ministrliginiń baspasóz qyzmeti.
Optimistik stsenarii boiynsha bul kórsetkishter birshama joǵary bolady: jaldamaly eńbekke suranystyń kólemi 5 jylda 1,2 mln adamdy, al teris stsenarii boiynsha 792,9 myń adamdy quraidy dep boljanýda.
Negizinen jaldamaly eńbekke degen suranys bilim berý salasynda qalyptasady, onda ol stsenariige bailanysty jiyntyq eńbekke qatysty 16-18%-dy quraidy, sondai-aq aýyl sharýashylyǵy sektorynda (7,6-dan 10% - ǵa deiin) jáne óńdeý ónerkásibinde (9,7-10,2%) qalyptasady.
2021-2025 jyldar ishinde bazalyq stsenariide jaldamaly jumyskerlerge jiyntyq suranys jańa suranystan 55,3%-ǵa (574 myń) jáne almastyrý boiynsha suranystan 44,7%-ǵa (464,4 myń) qalyptasady dep kútilýde, olardyń 72%-y (332,7 myń) zeinetkerlik jasqa jetken qyzmetkerlerdi almastyrýǵa keledi.
Jaldamaly jumyskerlerge bir jyldaǵy jiyntyq suranys 2025 jyly 244,3 myń adamdy quraidy, onyń ishinde 148,7 myńy jańa suranysty jáne 95,6 myńy almastyrý boiynsha suranysty bildiretin bolady.
Zeinetkerlik jasqa jetýine bailanysty jumyskerlerdi almastyrý qajettiligi osy kezeńge qarai 15%-ǵa (2021 jylǵy 59,2 myńnan 2025 jyly 68,3 myńǵa deiin)ósedi dep kútilýde.
Jaldamaly jumyskerlerdiń eń kóp 5 jyldyq qajettiligi olardyń jas ereksheligine jáne ózge de tabiǵi sebepterge bailanysty ketýi saldarynan bilim berý salasynda (64,5 myń adam), sondai-aq aýyl sharýashylyǵynda (44,6 myń adam) jáne óńdeý ónerkásibinde (44,2 myń adam) oryn alatyn bolady.
Jalpy alǵanda, 2025 jylǵa qarai bazalyq stsenarii boiynsha jumys kúshiniń sany 9,3 mln adamdy quraidy, onyń 7,7-si jaldamaly jumyskerler bolady, al 1,2 mln adam jumyspen qamtylǵan halyqtyń basqa sanattaryn quraidy. Bul rette jumyssyzdar sany 439 myń adamdy quraidy dep kútilýde, iaǵni jumyssyzdyq deńgeii 4,7% deńgeiinde bolady.
Optimistik stsenariide jumys kúshiniń sany 9,4 mln adamdy quraidy, onyń ishinde jaldamaly jumyskerler – 7,9 mln, jumyspen qamtylǵandardyń ózge sanattary – 1,1 mln. adam, al jumyssyzdar sany 442 myń adam.
«Teris stsenariide 2025 jylǵa qarai jumys kúshiniń quramynda 9,3 mln adam bolady dep kútilýde, olardyń 7,5 mln.-y jaldamaly jumyskerler, al 1,4 mln.-y ózge jumyspen qamtylǵan adamdar. Bul rette jumyssyzdar sany 436 myń adamdy quraidy. Bizdiń boljamymyz boiynsha jumyssyzdyq deńgeiin kútiletin 4,7% - ǵa deiin birtindep tómendetý júretin bolady. Aǵymdaǵy jáne kelesi jyly biz 5%-ǵa jetýimiz múmkin, sodan keiin bul kórsetkish jylyna 0,1 p.t. tómendeidi», – dep habarlady ERDO Boljamdaý departamentiniń direktory Dmitrii Shýmekov.
