Qazaqstannyń mashina jasaý salasynda 2025 jylǵa deiin 160 mlrd teńgege jańa 14 jobany iske asyrý josparda bar. Bul týraly Qazaqstan mashina jasaýshylar odaǵynyń atqarýshy direktory Ómirserik Erjanov málim etti, dep habarlaidy QazAqparat.
«Biyl 8 aiynda mashina jasaý kólemi ótken jylmen salystyrǵanda 24% ósip, 1,4 trln teńgeni qurady. Jyl sońyna deiin bul soma 2 trln teńgeden asyp túsedi dep boljap otyrmyz. Mashina jasaý kóleminiń artýyna qatysty ishinara toqtalsaq, aýyl sharýashylyǵy mashinasyn jasaý – 300%-ǵa, temirjol – 45%-ǵa, elektrotehnikalyq – 28%-ǵa, taý-ken metallýrgiiasy jáne munai-gaz salasy – 11%-ǵa óskeni baiqalady. Jalpy mashina jasaý tehnologiialyq turǵydan eń kúrdeli salalardyń biri», - dedi Ómirserik Erjanov.
Onyń aitýynsha, búginde elimizde 3 myńnan astam mashina jasaityn kásiporyn bar jáne onda 119 myńǵa jýyq adam jumys isteidi.
«Jalpy atalǵan salany indýstriialandyrýdyń sońǵy 10 jylynda 400 mlrd teńgeniń 135 jobasy júzege asyryldy. 2025 jylǵa deiin 160 mlrd teńgege taǵy 14 jobany iske asyrý josparda bar. Biylǵy forým negizinde ázirlengen usynymdar Memleket basshysynyń Joldaýyndaǵy tapsyrmalardy iske asyrý aiasynda bolady. Iaǵni ulttyq ekonomikany jańǵyrtyp, investitsiialyq, óndiristik jáne eksporttyq áleýetti arttyrýǵa baǵyttalady», - deidi ol.
Aita ketsek, kesheden beri elordadaǵy EHRO halyqaralyq kórme kesheninde Qazaqstan mashina jasaýshylarynyń IH forýmy ótip jatyr.
