2025 jylǵa deiin Aqtóbe oblysynda 525 shaqyrym avtojol jóndeledi. Bul týraly QR Indýstriia jáne infraqurylymdyq damý birinshi vitse-ministri Qaiyrbek Óskenbaev aitty, dep habarlaidy QazAqparat.
«Aqtóbe oblysy damýynyń keshendi jospary jobasy aiasynda ministrlik jalpy 7 is-shara boiynsha jaýapty oryndaýshy. Onyń ishinde: 2 is-shara qurylys jáne turǵyn úi kommýnaldyq sharýashylyq salasynda; 5 is-shara avtojol salasynda. Qurylys jáne turǵyn úi kommýnaldyq sharýashylyq salasynda osy jyldyń 16 sáýirinde siz memlekettik jekeshelik áriptestik aiasynda 2 nysanda jeke investitsiialardy tartý arqyly kárizdik tazartý qurylystary jobalaryn iske asyrý modelin maquldadyńyz. Olar: servistik kelisimshart boiynsha kárizdik tazartý qurylystaryn salý jáne rekonstrýktsiialaý; sý arnalaryn jeke kompaniialarǵa senimgerlik basqarýǵa berý», - dedi ol Úkimet basshysy Asqar Maminge qarata.
Onyń atap ótýinshe, kárizdik tazartý qurylystary jobalaryn iske asyrý úshin sýmen jabdyqtaý jáne sý burý sektorynda memlekettik-jekeshelik áriptestik jobalaryn iske asyrý boiynsha jol kartasy bekitildi. Sonymen qatar, kárizdik tazartý qurylystaryn salý jáne rekonstrýktsiialaý máselesin jedel sheshý maqsatynda ministrlik qoldanystaǵy zańnama aiasynda iske asyrýdyń qosymsha tetikterin qarastyrýda.
«Osyǵan bailanysty, sýbsidiialaý tetigi aiasynda kárizdik tazartý qurylystary jobalaryn iske asyrýdy bastaý úshin ákimdikpen, onyń ishinde Aqtóbe oblysynyń ákimdigimen jeke is-sharalar jospary joldandy. Jappai turǵyn úi qurylysy aýdandaryn qajetti injenerlik infraqurylymmen qamtamasyz etý úshin 2025 jylǵa deiin uzaqtyǵy 2 myń shaqyrym 11,5 myń jer ýchaskesin injenerlik infraqurylymmen qamtamasyz etedi», - dedi Qaiyrbek Óskenbaev.
Birinshi vitse-ministr avtojol salasynda 2025 jylǵa deiin keshendi jospar aiasynda respýblikalyq jáne jergilikti mańyzy bar shamamen 525 shaqyrym avtojol jóndeletindigin jáne rekonstrýktsiialanatyndyǵyn aitty.
