Biyl 480 aýyl jańǵyrtylatyn bolady. Bul týraly Úkimettiń keńeitilgen otyrysynda Premer-Ministr Asqar Mamin aitty, dep habarlaidy «Ult aqparat».
«Aýyldyq infraqurylymdy jańǵyrtýdy qamtamasyz etý úshin «Aýyl – el besigi» jobasy júzege asyrylýda. Biyl 480 aýyl jańǵyrtylatyn bolady», - dedi Úkimet basshysy.
Onyń atap ótýinshe, 2021 jyly atalǵan jobany negizinen Túrkistan, Almaty jáne Shyǵys Qazaqstan oblystarynda joǵary qarqynmen júzege asyrý josparlanyp otyr.
«2025 jylǵa deiin 3 561 aýyl jańǵyrtylatyn bolady. Bul aýyldyq jerlerdegi ómir súrý sapasyn arttyrýdyń mańyzdy faktoryna ainalady», - dedi Asqar Mamin.
