Foto: ashyq derekkóz
2025 jyldyń qarashasy qazaqstandyqtar úshin uzaq merekelik demalystarsyz ótedi. Ult.kz qarasha aiyndaǵy jumys jáne demalys kúnderiniń yńǵaily kúntizbesin usynyp otyr – osylaisha demalysyńyzdy, saparlaryńyzdy jáne kúndelikti isterińizdi aldyn ala josparlai alasyz.
Qarashada neshe kún demalamyz
Bes kúndik jumys aptasy boiynsha eńbek etetin qazaqstandyqtardy 10 demalys jáne 20 jumys kúni kútedi.
Al alty kúndik jumys aptasy barlar úshin demalys tek jeksenbi kúnderi bolady — barlyǵy 5 demalys jáne 25 jumys kúni.
Qarasha aiynda mereke kúnderin aýystyrý kózdelmegendikten, jumys kestesi ádettegidei saqtalady: uzaq demalys bolmaidy.
Qarashadaǵy kásibi merekeler
Memlekettik merekeler qarashada bolmasa da, bul ai túrli salalardaǵy mamandar úshin mańyzdy kásibi datalarǵa toly:
-
5 qarasha – Syrtqy barlaý qyzmetkerleri kúni;
-
8 qarasha – Statistika qyzmetkerleri kúni;
-
10 qarasha – Tsifrlandyrý jáne IT salasy qyzmetkerleriniń, sondai-aq býhgalterlik esep pen aýdit mamandarynyń kúni;
-
15 qarasha – Qarjy júiesi qyzmetkerleri kúni jáne Ulttyq valiýta kúni;
-
15 qarasha (qarashanyń úshinshi senbisi) – Burǵyshylar kúni;
-
16 qarasha (qarashanyń úshinshi jeksenbisi) – Aýyl sharýashylyǵy, tamaq jáne qaita óńdeý ónerkásibi qyzmetkerleri kúni;
-
18 qarasha – Sybailas jemqorlyqqa qarsy qyzmet organdarynyń kúni.
Buǵan qosa, 11 qarashada Qazaqstanda Energiia únemdeý kúni atalyp ótedi.
