Foto: igate.com.ua
Qazirgi tańda mýzykalyq talǵam – jas býynnyń rýhani dúnietanymyn, kóńil kúiin jáne zaman tynysyn aiqyndaityn mańyzdy kórsetkishterdiń biri. Áleýmettik jeliler men mýzykalyq platformalar arqyly jyldam taraǵandardyń arasynda Qazaqstan jastarynyń erekshe qyzyǵýshylyǵyn týdyrǵan shyǵarmalar bar. Osy oraida Ult.kz Qazaqstandaǵy «Iandeks Mýzyka» servisiniń TOP-5 hitin saralap, eń kóp tyńdalǵan ánderdi usynady.
Endshpil – «10»
Chart kóshin rep oryndaýshy Endshpildiń shynaiy sezimge toly tregi bastaidy. Bul – jubaiyna arnalǵan mýzykalyq hikaia. Ánde júrekti eljireter sózder kezdesedi. «Sen maǵan eki álem syiladyń» – dep, avtor otbasy men ákelik qýanyshty tuspaldap jetkizedi.
ALEM – «Kuiim»
Ninety One tobynyń burynǵy múshesi Batyrhan Malikov, iaǵni ALEM jeke shyǵarmashylyǵynda tyń tabystarǵa qol jetkizýde.
«Kuiim» atty trek – zamanaýi dybystalýy men júrekke jeter lirikasymen erekshelenedi. Tyńdarman qaýym bul ándi jyly qabyldap, jii tyńdalatyn kompozitsiialardyń birine ainaldyrdy.
Aiqyn Tólepbergen – «Súigenim»
Qazaq estradasynyń tanymal ókili Aiqyn tyńdarmandy ana tilinde shyrqalǵan, júrek terber lirikalyq ánmen qýantty.
«Súigenim» – shynaiy mahabbat pen adaldyqty arqaý etken án. Bul týyndyny ásirese ulttyq ónerdi baǵalaityn jastar jii tyńdaidy.
Basta jáne MACAN — «Pýst Bog býdet riadom s tvoimi planami»
Bul dýet – mýzykalyq keńistikte kútpegen, biraq jarqyn qubylysqa ainaldy.
MACAN – reseilik jas oryndaýshy, al Basta – kópke tanymal rep ártis.
17 shildede shyqqan bul án qysqa ýaqyt ishinde tyńdarmandardyń júreginen oryn tapty.
Sadraddin – «Qaragym ai»
Qazaq tilindegi zamanaýi pop-mýzykanyń jarqyn ókili Sadraddin Bolat bul joly da tyńdarmanyn beijai qaldyrmady.
«Qaragym ai» – názik sezimderge toly, lirikalyq kompozitsiia. Bul týyndy tyńdaýshynyń júregine jol taýyp, kórermender tarapynan joǵary baǵalandy.
Qazaq jastary qazirgi zaman aǵymyna sai mýzyka tyńdai otyryp, ulttyq bolmysqa tán mán-maǵynasy tereń ánderge de erekshe kóńil bóledi. Bul – elimizdiń mádeniet pen óner keńistiginde oń ózgeristerdiń baryn kórsetedi.
