Balqashtaǵy «Qazaqmys» JShS birneshe jyl qatarynan aýaǵa bólinetin ziiandy zattardyń kólemin azaitý baǵdarlamasy boiynsha jumys isteýde. Bul týraly Ortalyq kommýnikatsiialar qyzmetinde ótken brifingte Qaraǵandy oblysynyń ákimi Jeńis Qasymbek aitty, dep habarlaidy "Ult aqparat".
«Bul - óte ózekti másele. Keshe qala ákimi men barlyq óndiristik kásiporyndardyń basshylarynyń qatysýymen úlken jinalys ótti. Temirtaý - qalasy ekologiialyq turǵyda kóbirek lastanǵan qala. Bir jarym ai buryn QR Ekologiia ministri kásiporyndarmen atmosferaǵa ziiandy zattardy shyǵarý mólsherin tómendetý kestesi boiynsha kásiporyndarmen memorandýmǵa qol qoidy», - deidi Jeńis Qasymbek.
Ol bul shara jetkilikti emes ekeni týraly aitty.
«Bul jetkilikti shara emes, sebebi Temirtaýǵa barǵanda jaǵdai qalai ekenin ózderińiz de kórip júrsizder. Qazir kásiporynnyń basshylyǵy aýysqan. Bul suraq boiynsha bólek keń kólemde jinalys ótedi. Sol kezde aýaǵa ziiandy zattardyń bólinýin azaitý, týraly talqylaimyz. Sondai-aq, qazirgi ýaqytta Parlamentte Ekologiialyq kodeks qaralyp jatyr. Ol jerde de óndiris kásiporyndaryna qoiylatyn talaptar kúsheigen», - deidi ol.
Mysaly, Balqashtaǵy «Qazaqmys» JShS birneshe jyl qatarynan aýaǵa bólinetin ziiandy zattardyń kólemin azaitý baǵdarlamasy boiynsha jumys isteýde.
«Nátije aitarlyqtai jaqsarǵan. 2024 jylǵa qarai ol zaýytta aýany lastaýshy zat múlde bolmaidy. Mundai jumystardy oblystaǵy aýany lastaýshy barlyq kásiporyndarda júrgizetin bolamyz», - deidi oblys ákimi.
Sondai-aq, ol Qaraǵandydaǵy Meditsinalyq ýniversitette 1,5 myń sheteldik stýdent oqitynyn aitty.
«Bilim sapasy jaqsy. Biz ózge óńirlerden kelip Qaraǵandyda em alatyndar úshin kvota beremiz. Óńirde onkologiialyq dertten kóz jumatyndar sany ortashadan tómen. Júrek qan-tamyrlary aýrýynan kóz jumatyndar sany birinshi orynda», - deidi ol.
