2024 jylǵa qarai elimizdegi 11 myń shaqyrym avtojol aqyly bolady. Bul týraly «QazAvtoJol» UQ» AQ» Aqyly avtomobil joldary direktsiiasy filialynyń direktory Marat Súleimenov aitty, dep habarlaidy "Ult aqparat".
«2024 jylǵa qarai 11 myń shaqyrym avtomobil joldaryna aqy tóleýdi engizý josparlanyp otyr. Bul sharalar 32 jol ýchaskesin qaita qalpyna keltirý jumystary aiaqtalǵannan keiin júzege asyrylatynyn atap ótkim keledi. Tólemdi engizý investordyń qarajaty esebinen, investitsiialyq kelisimshart boiynsha júzege asyrylady. Óte mańyzdy másele - jolaqy týraly aitýym kerek. Qoldanystaǵy zańnamaǵa sáikes, aqyly joldar ashylǵanǵa deiin jergilikti turǵyndarmen túsindirý jumystaryn júrgizý úshin qoǵamdyq tyńdaýlar ótkiziledi», - deidi Marat Súleimenov Instagram áleýmettik jelisindegi @kazautozhol paraqshasynyń tikelei efirinde.
Onyń aitýynsha, tyńdaýlar kezinde jol aqysy jáne tólemniń usynylǵan ádisteri talqylanady.
«Tólem kólemin Indýstriia jáne infraqurylymdy damytý ministrligi egjei-tegjeili taldaýdan keiin maquldaidy. Kóliktiń qai túri jol aqysyn tóleitini, qaisysy tólemeitini jol sanatyna bailanysty bolady. Mysaly, eger jol ekinshi tehnikalyq sanatta bolsa, onda jol aqysyn tek júk kólikteri tóleidi», - deidi ol.
