2024 jyldyń qorytyndysy boiynsha Almaty ekonomikasy 5,5%-ǵa óspek

2024 jyldyń qańtar-qyrkúiek ailarynda Almaty qalasynyń qysqa merzimdi ekonomikalyq kórsetkishi 104,1%-ǵa deiin ósti. Bul týraly qalalyq ekonomika basqarmasy málimdedi, dep habarlaidy Dalanews.kz.

«Almatynyń jalpy óńirlik ónimi jyldyń birinshi jartysynda 3,5%-ǵa ósti (Qazaqstan boiynsha – 3,2%). Ekonomikanyń ósý draiverleri – kólik (+21,6%) jáne qurylys (+11%) salalary boldy. 2024 jyldyń 9 aiynyń qorytyndysy boiynsha azyq-túlik ónerkásibindegi ósim qarqyny qalpyna kelýde. Tamaq ónimderi óndirisiniń indeksi 2024 jyldyń qańtar aiyndaǵy 84,6%-dan 89,3%-ǵa, al sýsyndar óndirisi 56,9%-dan 91,3%-ǵa deiin ósti», - dedi ekonomika basqarmasy.

Sondai-aq, qyrkúiek aiynda iskerlik belsendilik indeksi 53,4%-ǵa deiin artty. Jalpy, 2024 jyldyń qorytyndysy boiynsha Almaty ekonomikasynyń ósýi 5,5% deńgeiinde, al 2025 jyly 6,4% deńgeiinde bolady dep boljanyp otyr.