2023 jylǵa deiin áleýmettik tólemderdi indeksatsiialaýǵa 1 trln teńge bólinedi. Bul týraly Qazaqstan halqyna Joldaýyn jariia etken QR Prezidenti Qasym-Jomart Toqaev aitty, dep habarlaidy "Ult aqparat".
«Qanshalyqty ashy bolsa da, shyndyqty aityp otyrdyq. Bul - keibir memleketterge qaraǵanda Qazaqstannyń utymdy tusy. Alaida ahýaldyń jaqsarýy bosańsýǵa sebep bolmaýǵa tiis. Kúres áli de jalǵasýda. DDSU boljamy boiynsha pandemiiany jeńý úshin kem degende 2 jyl qajet. Aldaǵy ailarda kúsh-jigerimizdi barynsha jumyldyra jumys isteitin bolamyz. Osyǵan daiyn bolýymyz kerek. Másele týyndaǵan kezde ǵana shuǵyl qimyldamai, aldyn ala sharalar qabyldap, barlyǵyn jan-jaqty oilastyrýymyz kerek. Barlyq sheshimder muqiiat tekserilgen boljamdarǵa negizdelgen bolýy tiis», - dedi Memleket bksshysy.
QR Prezidentiniń atap ótýinshe, Úkimet naqty shekteýler men beiimdi karantin ádisterin engizýde.
«Pandemiiamen kúres jóninde keshendi baǵdarlama ázirlenedi. Memleket tarapynan áleýmettik salaǵa jáne ekonomikany qoldaýǵa baǵyttalǵan barlyq mindettemeler oryndalatyn bolady. Bul maqsatqa Ulttyq qordan 1 trln teńge bólinýde. Áleýmettik tólemderdi indaksatsiialaý jumysy jalǵasasyn tabady. Osy baǵytta 2023 jylǵa deiin shamamen 1 trln teńgeden astam qarjy bólý josparlanyp otyr», - dedi Qasym-Jomart Toqaev.
